شعراء التراث

من شعراء الاحواز

الشاعر الراحل ملا محمد المایود

مدونة فلاحيتي- الملأ محمد المايود بن دويخ بن عبدالشيخ الخزرجي الدورقي عرف بالملا محمد المایود فهوشاعر كبير من شعراء الاحواز ولد عام 1298 هـ في مدينة الفلاحيّة و توفي فيها عام 1370هـ. تلقى مقدمات العلوم العربية والدينية على أبيه، و تدرج في ذلك حتى أصبح خطيبًا منبريًا، هاجر فترة الى العراق للدراسة الدينية.

ثم رجع لوطنه و كان شاعرنا محط اهتمام الشعراء الشباب ومرجعهم. کتب الشعر بالفصحى و الدارجة و له ديوان مخطوط، و له شعر تضمنه كتابا هادي باليل الموسوي المخطوطان:

«الخواطرالشبرية والحدائق الأدبية»، و«الياقوت الأزرق في أعلام الحويزة والدورق» فضلاً عن القصائد التي لدى بعض أصدقائه.

له مراسلات و إخوانيات مع معاصريه من الأدباء في العراق و الاحواز ما تبقى من شعره الضائع يشير إلى شاعر يمتلك الحكمة مثلما يمتلك أساليب التعبير العربية المستندة إلى البلاغة التقليدية.

 

من أبوذیاته :

 

علل اهل الهوی الکعثب شفلهه

 

خشب خشلب عقیق احمر شفلهه

 

یه حاذق دونك العلتي شفلهه

 

عسه بلکت یصیر اعلاج ليَّ

 

*****

 

ومیض اسلافهن بین من اللیل

 

عسجد و درع ثغره من اللیل

 

بهات الطلل خیلته من اللیل

 

کشف عني السحاب و بان ضیه.

 

*****

 

الغیرك ما هدل زیجي ولکشاف

 

ولك من دم جری جفني ولکشاف

 

الك مبسم من اللیلو ولکشاف

 

عقیق احمر عذب مختوم ميّه

 

*****

 

اوي من نار شوگي و ردت بسن

 

تشب خمرة لُماها ال زهت بسن

 

گبل لاتبلغ التکلیف بسن

 

هواها بیوم طفله إنمزج بيَّ

 

*****

 

تهل بطروشنه اطروشك نهالای

 

ودمعك من یهل دمعي نهالای

 

جسمك من نهل جسمي نهالای

 

ونارك من تشب نیران بيَّ…

 

*****

 

دمع دم ناظري الهلهل يسحبه

 

علي البراح نضح الخد يسحبه

 

لو ما عل ارض ثوبه يسحبه

 

لما جاز التيمّم عالوطيه.

 

*****

 

ادخیل الخضر من شرهن وذرهن

 

دعن گلبي ابصوارمهن وذرهن

 

حجر ما قلم اعیونه وذرهن

 

سود و بیهن احتوف المنیه

 

*****

 

زغیرالسن بعد سنتین بدراك

 

الشافك طاح طول العمر بدراك

 

بدر عدنه یلاهي شبه بدراك

 

اخذ بدرك بدرنه اشتعل ضیه.

 

*****

 

إشکثر اقرون باثر قرون راحات

 

وشربت من حیاض الموت راحات

 

تصبر تکسب من الصبر راحات

 

وتِسله بعترة الزهرا الزچیه

 

*****

 

یه صاحب صار هم الگلب منتل

 

متت وشما ارد اتل النفس منتل

 

لا اهلاً یه شهر الحزن منتل

 

الجرا بیك الفراگ وغدت فیه

 

*****

 

یاهو المثل گلبي حملهم

 

وعلم چان لصحابه حملهم

 

ترید من الذي خلوا حملهم

 

یشیلولك حمل بالموزمیه

 

*****

 

 

 

ملا فاضل السکراني ارسل الی ملا محمد المايود بیت الأبوذية ايگول:

 

من اعیــــــوني یـبـن مایود کتل

 

دمه و علتي علت واصبحت کتل

 

ما توعظ رشــــا البل عيـــن کتل

 

زلم وايضا” رماني وفتك بيَّ

 

 

 

فأجابه ملا محمد المایود قائلاً:

 

اخبرت عن ناظرك من دم کتلها

 

اشسبب و اتگول عن علتك کتلها

 

زلم الّي رشا النـــــاعس کتلها

 

فلا بیـــهم جسور وگطع فيه

 

*****

 

 

 

یهل هالدیر اسلکم بل علیکم

 

وعسی لا نزل الله بل علیکم

 

انصحوني ابسوالي بل علیکم

 

بکره ابحیکم ضاعت علیه…

 

*****

 

حبیبي ثوب المشجر وحل بي

 

صریم وشوك انا ابدربي وحل بي

 

یحلوا یمته اکض زیجچ وحل بي

 

و ابوسچ وین مانفسي دنیه

 

*****

 

غرامك دوم روحي ولهمنه

 

أبجفاك أسحن الحنظل ولهمنه

 

اشلون أترك ودادك ولهمنه

 

یروح الروح وانته الروح بيَّ

 

*****

 

انشدك یل خلاخیلك بهن داي

 

دنف ومسلهم اعیونك بهن داي

 

اظن مخطرامن اجعودك بهن داي

 

دنف ونخاف تثرمرض بيَّ

 

*****

 

یگلبي اتیور محد سمع یوراك

 

گلي اشلون اشیل اجدم یوراك

 

یدهري اترید تسحن سحن یوراك

 

احملنك مدام النفس بيَّ

 

*****

 

قال الشاعر عبودالحجي سلطان الزرگاني:

 

امولع بيك يمدلل ولع باد

 

اوعليه صاحت الوادم ولع باد

 

يزت امنل صلالجلك ولع باد

 

عبدتك وتخذتك دين ليَّ

 

 

 

فاجاب الشاعر ملامحمد المایود :

 

امولع بيك يمدلل ولع ظيم

 

ابصدودك نحلت جسمي ولع ظيم

 

عليه اشمعظم افراگك ولع ظيم

 

هجرك والحسودالشمت بيَّ

 

*****

 

ظب امتیمک یا ترف شفته

 

و علي من یشبه الیاقوت شفته

 

تعال اهل الهوی العباس شفته

 

البیض الکم جبه و السمر ليَّ

 

*****

 

الناس ابحزن ماجوده و منهم

 

ابجالك گوم سليهم و منهم

 

منهم من قضی نحبه و منهم

 

بغرامك ينتظر حتف المنيه

 

*****

 

ابخزنت عزشبابي الوکت چالل

 

الأسه وثگل الترح للروح چالل

 

اذا مو للربع شکواي چالل

 

غریب الیستمن طیبه عليَّ

 

*****

 

تهل بطروشنه طروشك نهالي

 

دمعك من یهل دمعي نهالي

 

جسمك من نهل جسمی نهالي

 

نارك من تشب نیران بيَّ

 

*****

 

وحق ال من ال باري علیه یانص

 

شبل واعي او فهیم او نبل یانص

 

تسئلني الگلــــب نصین یانص

 

ال عنــدك زین وال عندي بأاذیه

 

 *****

 

حبیبي الجــفن من فرگاك یرماد

 

دما وریت ال وشـالك کون یرماد

 

ش أذّرك علی اجروح الشوگ یرماد

 

ذرّك بس یهیج الألم بیَّ

 

*****

 

حبیبي دائما عیني ترابلاك

 

شحي والروح ی َ مدلل ترابلاك

 

يَ واشي میل عن دربي ترابلاك

 

بـدمي ومنك یریدون دیه

 

***

 

حبیــبي الروح بعدك راح أملها

 

اوبعد ال راح ماظــــل راح املها

 

خلها تروح راحت راح املها

 

رده وشلـــي بـــردتـــهه علیَّ

 

***

 

اعضن من الم روحي بهاماي

 

وحيد او مـَ أحد مشارك بهاماي

 

انتكالي جربة الصاحب بهاماي

 

او خفاها بيوم شد العطش بيّ

 

*****

 

وحگ النـزهـك یشگر من السب

 

و جمـالك بالحسن آیـه من السب

 

افاعي الشعر عمتونك من السب

 

البشر منه ابخطر و انته ابخطیه