من محمرة الدم الی خرمشهر/بقـــــلم الشاعر لفته الحاج قاسم الحموداوی

جمال الطبيعة و سحرها في الاحوازما یـــطفه کــانـون القهر ظـــل داوی

مادام اسمـــی لـــفـــتـه الحـــموداوی

حثنی اعله شغله إمــحمــد الحزباوی

حثنی اکتب ابیات اعله وزن المیمر

**********

طــبـــعاً أرید أکتــب و لـــکن شــکـتِب

ضامی ارتجیت أروی ضمای من الِحب

حِـــب إلعروبه الــچــنه بــی مای انذب

بس مالـــگـــیت أمّیه ظـلیت افتر

**********

مــا یگطع الـــباری شــفت واحــد جای

صوبی و علی چـــتفه شـفِت یود المای

سلـَـــم عـــلــیه وگــتـله رَویلی اضمای

روه ضـــمای و مـــنه گمت اتشکر

*********

گلی یخوی ایصیر تخبرنــــی اشصار

وبیا ســبـــب ظـلمه و خـــلیه هل دار

منهو الغزه الدار وشعل بـــیـــهه النار

من گتله یاهـــو الی غزانه اتحیر!

**********

گلی انته طــــبعاً عربی مو مستعرب؟

ما ظن تظـــــم إســـخیل خایب بلعب؟

گتله بعــد بـــاقی عـــلی بس إتسِــب

دنــــگ رگبه و منی ظل یتعذر

**********

گــــتــــله نــعم آنه ابـن های الگاع

اهلی زلم بـــس بیــهم اطباع اسباع

یلتنشد إعله اهـــلی یـِردون الصاع

ظلیت امجد بهلی ظــلیت افخر

**********

محد یذم اهله أبهلی أرد أتـــمَجَــــد

حــــبی الهم ابکثر الجزر کثر المد

اسمع ابــحگ اهلی اشیگول امحمد:

امـــحمد الحزباوی شوفه اشیشعر

**********

ابنخل الکـرم موش الکرب گــلبنه

احـــنه العـرب وابیض نقی گــلبنه

ایمـــالــنه الحــمل الیـــذل گــلبنه

اوماناخـن ابحمــل المجدعـــرّن عر

**********

انصیب الهدف باوّل سهـم ولوحه

اوعل چف نشد بیرق نصرولوحه

بتّارنه ایگــص العـــظـــم ولوحه

اویرگص عله ارگاب العِده امنل مدور

**********

گلی الغـــزه الدار و مشه یا هو عـاد؟

 گتله الغزه الدار النکر حرف الــضاد

والناکر اصله وصایر الخصمی اعتاد

ذاک الذی ابزی الخصم یتنکر

**********

خـَلت ابــــگلبی الدنیه یا خی جمره

لـکــــــن طــــبعهه الدنیه طبعاً قبره

دمرنی ذاک الـــشال إسم لِمحـــمره

وخـَله بدل ذاک الأسم خرمشهر

**********

ذاک الجبــــــان الــبل حچی اذانی

ذاک الحرگ بــیتی و کتل خوانی

اتــــشکرک یا ســـیدی  السکرانی

حین الکتبت ابیات هاذ المیمر

**********

الماأدبه جـــد یفــــــتهم وبخــله

ایعیش ابنگیصة معرفه وبخــله

لاخیــــربل مایفـــــتهم وبخــله

الخل الغبی المایفتهم خــل اغبر

_________________________________________________________________

مـــوگدغــــرامک بالگــــلب ویداوی
اووصلک دواایطیب المرض ویداوی
لوینجــــمع داوک یخـــــــــی ویداوی
نحـــــرز الفــــوزاوباللِعب مانخـــسر
====
ظـــن الخصم أنهه العشگ ومحمره
ابدَس ام کحل وسط السلف ومحمره
حُــب الارض ماینقــرض ومحمره
ظــلت منـــــاره اوبیها حبنا اتنـــوَّر
===
محمدابوعمارالحزباوی

مدونة نخل الاحواز

 

تشرفنا بزيارتكم ونتمنى دائما أن ننول رضاكم.

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

موقع ووردبريس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: