قصيدة اللغة العربية – للشاعر الاحوازي عظيم البوخنفر

8765433222احب بسمچ اگولن شعری اللیله

                                   من اطیب کلام اجمع غوافیّه

بیچ افخر واجادل واحچی ابشمرات

                                  افخر لن کلنتی البیچ محچیه

وبیچ اگدر اگولن اصلی یا من وین

                                  بیچ الکون کلّه ازدهر نادیّه

بیچ احنه انتماثل بلفخر وانگول

                                   من اطیب کلام الشعر یومیّه

بیچ احچی القصائد واجمل الابیات

                                   من کل نوع میمر والابوذیه

نضل بسمچ نجاهد لآخر الانفاس

                                   مانقبل نعیش ابذل عبودیّه

ما اگدر اوصفچ والوصف کلمات

                                   وانتی الکل کلام وکل معانیّه

شرد احچی وشگولن شرد اوّصف بیچ

                                   کل کلمه ال تلفّض بیچ مبنیّه

یابحر الکلام المانعبر لانگاش

                                   منّه ایخاف کل من جاب طاریه

یل مالچ وصف لولم جمیع اشعار

                                   موکلمات لومقطوعه شعریه

یل بیچ انبعث من ربّنه القرآن

                                   نزلت بیچ آیات السماویّه

نضل بسمچ نجاهدمانطخ الراس

                                   نمشی ابکل دروب البیهه حرّیّه

وعلیچ انضل نحافظ اکثر امن العین

                                   یخسه الگال من البال منسیّه

ویخسه الگال عادات العرب عادات

                                   مابیهه الاصاله وکلهه شکلیّه

بل جذر الاصاله امن العرب منسوب

                                   جاهل ضل غبی الما حطله همّیه

بیچ ایضل اسمنه التاج فوگ الراس

                                   وانتی انتی الاصل من گال عادیّه

انتی الماگدر واحد یوصفچ یوم

                                   انتی اعظم غنابل نوع ذرّیّه

یا کلمت هلی یامنوره الدیوان

                                   یابسمة اگلیبی وکل امانیّه

یاشطالفهم یل سنبلت نیسان

                                   یاچفّت نهرنه المی عذب میّه

یاتاج العروبه وتاج لهل الکون

                                  یاتاج البشت واعگال چفّیه

یل بیچ الوطن یزهی ویشع انوار

                                  ابهوره وطیوره اتناغی بردیّه

وجلسات الاهل تحچی وتسولف بیچ

                                   وایشربو العذب من می شواطیّه

یامحله البیادر والنخیل اشکال

                                  گتطاره وابریمه  ومحله برحیّه

حبچ بلگلب مکتوب مو باوراق

                                   ماینباگ واتبوگه الحرامیّه

ما اوصف شعوری اشما حچیت اشعار

                                   شرد احچی وشگولن بعد مابیّه

وانصح لل یخالط بیچ ای کلمات

                                   من ای نوع کانت تعد سُخریّه

لئن انتی الاصل والاصل ماینعاف

                                   ما واحد گد ر یترک اهالیّه

اشمایعله الگصب عن اصله واشما طال

                                   لابد یوم یرجع لاصله تالیّه

وتبقی للابد انتی الاصل مادام

                                   توجد بلوطن شبّان نشمیِه

ما اگدر احب امن اللُغه غیرچ

                                   لوزادو العمری امن الالف میّه

ارید احچی اباسمچ للحضور انچان

                                    مایدرون گلبی اشخافی من نیّه

اریداحچی واگل للمجتمع قصدی

                                   من شعری الحچیته اللُغه العربیه

المصدر مدونة فلاحیتي

تشرفنا بزيارتكم ونتمنى دائما أن ننول رضاكم.

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

موقع ووردبريس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: