یاجماعه اکحیلتی العاذل سرگها …….والملک منه اشتراها
آه..یا نار الگلب سعرت بالفواد وشب لظاها
والمدامع مزن تجری وسیلها اجفونی براها
اسنین مرت وآنه ذایب واسعر ابضیها او سناها
والنوا بسیاط وجدی الروح عذبها اوچواها
روح کف عنی یه لایم گلبی ما یعشگ سواها
وبخلایا الروح یجری کالنسیم الحر صداها
ابلهفه اناغی اطیوف سلمی واعتنی کلمن رءآها
#################
یا اعذیبی الفجر گلها امتیمچ بل بید هایم
و جدمی لزیارت سلفکم عل مخاطر گصد جازم
و لهفی لطرواچ ولرشف الشفایف رمض صایم
وادری بلیعشگ بسمتچ روحه یشتلها علایم
ولهان ابودادچ و برموش العین قاسم
ما أمد ایدی اویه غادر و للعواذل ما اسالم
او صار فنی ارسم اگلیبی امسجه او سهم خاذم
##################
و سجلت اسمچ علی جفون النجوم و زاد ضیها
وارسمت رسمچ علی امواج البحار وهام میها
ومن زرعته بشتلت السروه العتیجه ثخن فیها
وسمعت الغزلان صوتی و فح مسچها ومرح زیها
والعنادل شادت اباسمچ یه سلمی وطرب حیها
والحقول اشما یمر طرواچ لیها ازدهر ریها
والظعون اشما سطع لیها جبینچ سرع طیها
###################
انتی احزام وحمایل وانتی هوسه ابیوم عید
وانتی حضنات المناجل بید ساعدنه الشدید
شبه شلال او مناهل حسن نظرت ریم صید
انتی نفحات الخمایل چنچ اگلاده اعله جید
انتی یا شگره الجدایل بل سلف گولات عید
عنز میاسه الشمایل شعف مجبل من بعید
کفی من هذا التمایل میلی للشاطی یرید
####################
هایه حنة(حنت)لیل زفه او هیل گهوه
آه …یه اگرنفل او گذله ولیل هدوه
انتی بعیون العذاری(العذارا) احلام نشوه
وانتی همست شوگ دافی او غنج حلوه
انتی بایام الحصاد احزام نخوه
انتی نبعه منلرحیق و غضن ربوه
وشوگچ لغافی النواظر فجر صحوه
####################
الیمته(الی متی)یا سلمی اللظه الدلال طفوه
اسنین سهرنی الهجر ملگاچ غفوه
اگلیبی طیر العش گذلتچ گصد عنوه
او روحی یسرها الزلف باضبار قسوه
و ضمیان جفنی العطش کأن طیر فجوه
والله لو ارشف الثغرچ و شم واروه
اکرام الچ لاشتل الروح فیای سروه
####################
اهجرت عینی النوم وانسلبت کراها
والعگل لام الروح وارشدها و هداها
گال شد الحیل واتوضه الصلاها
من یحب سلمی ایهیم ویحودر وراها
ایخوض غمر النیب وایفوج ابوغاها
وان جاد باعلی الجود وان سار ابهداها
باللقاء ایفوز والشمس وضحاها
###################
الکدت غوجی ابلیل متحدی الفیافی
اشچم طفت ودیان واشچم بحر صافی
طفته او بعدنی ابزود وابعزم وافی
لولا الفلک یندار لو حتف شافی
عهدی اویه سلمی او هاذ حد الیوافی
ونچان حال البین وارهی التجافی
ابذمة الاحرار اتصیر والگول کافی
***
المصدر صفحة رسول شنان على الفيسبوك
كارون الثقافي، موقع أحوازي حُر ومستقل- حامد الكناني 
تشرفنا بزيارتكم ونتمنى دائما أن ننول رضاكم.