من شعراء الاحواز:الشاعر مهدی الزنبوری /بقلم :عبدالرضا الرفیعی

موقع علوان الثقافي– المرحوم الشاعر الحاج مهدي ابن كاظم الزنبوري مواليد 1952م في مدينة الفلاحيه قرية العبودي ، كتب الشعر في سن التاسعة من عمره و بعد وفاة والدتة التي كان ينعيها في كلمات قصيرة حيث أنتبه بعد فترة بأن هذه الكلمات هي شعر وأستمر في كتابتها حتئ أخذ دورا” في الساحة الشعرية وتفوق على اقرانه من الشعراء في كتابة الأهزوجة(الهوسه )وعرف بشاعر الهوسه الأرتجالي في الاحواز.

الشاعر مهدي الزنبوري له من الاولاد 4 جميعهم ذواقين للشعر الشعبي ومنهم صالح الذي انتقل الئ رحمة الله في ريعان شبابه وفي سن ال 19 وتأثر شاعرنا الحاج مهدي بفقدان ولده صالح ورثاء كثيرا.

أما” ولده الأستاذ الشاعر كامل الزنبوري ورث الشعر من والده وأصبح شاعرا” مبدعا” ونجم لامع في سماء الشعر الشعبي في الاحواز.

انتقل شاعرنا مهدي الزنبوري سنة 1968م لمددينة الأحواز واستقر في منطقة كوت عبدالله وكانت له منزله خاصه بين اهل الأحواز حتئ أنتقل الئ رحمة الله في سنة 2006م في منطقة كوت عبداللهفي الاحواز .

اليكم مختارات من أشعار الفقيد مهدي الزنبوري نقدمها لك ايها القارئ المحترم مع جزيل الشكر ولأمتنان.

ليالي الفرح دلالي مراهن/
الوي ولاجرح گلبي مراهن/
اراهن عالذي يسوه مراهن/
عله المابي تجد غيره وحميه

اصبر ما اذل روحي ولاصك/
أسف لو چان غيم الهم ولاصك/
ابگحط ماهم ولاكشخل ولاصك/
بابي ابوجه ضيف الطر عليه/

اشما يثگل سهل حملي وشيله/
وشي حزنت عله امصابي وشيله/
اخوي الگبل يوصلني وشيله/
نكر طيبي ولامر بعد بيه

آنه اشكيلك امن الحزن وألهم/
الصبر مافادني اشما ادگ والهم/
العندي اعزاز مني جفو والهم/
اعيوني والگلب درسن سويه

چم خل الزمط بل خل وخله/
جعله امشكله ابيته وخله/
الخوه بس ابوفاضل وخله/
وفوها ابيوم حرب الغاضريه/

وحگ عم النبي الضحه بلاحد/
احبك حب صدگ يدعج بلاحد/
اذبحني قابل ابسيفك بلاحد/
اذا هذا قدر مكتوب اليه

حجي مهدي يرثي ولده المرحوم صالح بهذا البيت من شعر الأبوذية
تدري اشگد من الزينات لملاي/
ابدمعي كون اله غدران لملاي/
اعذره المادره لو كان لملاي/
الفاگد ولد ليش ايلوم بيه

وأما الهوسه :

الماشد الجرح بيده ولاداوا/
يضل ايلوي منه وكلوكت يدرا/

الذي تنقص يمنته وبس تضل يسرا/
حتئ من يصفج بي لوله

ابحد عمامي اختمت درسي والفلاحيه البلد/
والعرب كلهم اخوتي الكل فرد منهم أسد/
هاذ عنواني الحچيته وأرد ابينلك بعد/
آنه ابن الدورگ وترابه

مسقط راسي العبودي يل تنشد/
وأبن عبود عزنه اليمه چنت اگعد/
الهم ذوق عندي اشما ردت ابعد/
عيني اعله اتراب العبودي

الخوه كلفه الخوه صعبه كلشي بيها الخوه تحوي/
الخوه لو ظلمه تنور بيها دربك دوم تضوي/
الخوه لل ضد نار كبرئ وبيها گلب اليضد تچوي/
مرهم للعاقل وصفوها

الو مالك عضيد الزين يجدم دوم بل ساحه/
كلما صرت ماتنهاب تنطگ كلش ابراحه/
الأخو يمنت عضيده ابكون يجدم ساعة اصياحه/
لو هلهل شاجور الحومه