ايريّح هو الاسم المصغر باللهجة الاحوازية ل جراح
عاش ( ايريح ) طول عمره يشتغل بالعربانه.
شايب و منحني عمره ،
صامد و ما خلص صبره
حتى صبره احتار بامره
( ايريح )النخلة تشبهه،
المايله من الكبر و امدلي ثمرهه
چان ( ايريح)
خير وجهه ابكل صباح،
ايصبح ابسوگ الفلاحيه ابعجد سيد حبيب ،
و باجي اعجود المدينه
بعربانه يشيل ضيم الناس و يسحسح ابروحه
و غدت خطواته البطيئه
من كثر حرگة گلبهن
ياكلن برواحهن ويلومن و يبچن عليه
لو يشوفنه ابعزم يتحزم ابچفيته
و يضمد اجروحه
و لا واحد سأل عنه و عن معاناته و اذيته
شته و گيظ
لا برد ، لاشرجي كظه
طايف ال سبعين عمره
و يشتغل ب العربانه
طول عمره يكد و لا مد ايده لحد
كسر ظهر العسر، عزمه
و كسب كل عمره مجد
عاش ب الدنيا علم
عاش ب الدنيا وسام
ابدنيته ماشاف راحه (بوسعيد)
لاكن ابآخرته عند الله، شهيد.
عدنان السرحان
2015/02/02
المصدر:موقع الفيسبوك
كارون الثقافي، موقع أحوازي حُر ومستقل- حامد الكناني 
تشرفنا بزيارتكم ونتمنى دائما أن ننول رضاكم.