تربية شوارع..
*********
انته تربية شوارع
اي نعم كتله انه تربية شوارع
كلي لاكن يا شوارع
بهل مدينه من زمان انه عشت
خلصت بيها حياتي ومنها ما يوم طلعت
والازقة والدرابين القديمه
هواي احبها..
بكثر حب ناجي لحليمه
الماتوا من المستحه
ومالبسواحبهم جريمه
عشت عمري بهل شوارع
وسمعت صوت الارامل والاطفال
وسمعت ونات يا ما من رجال
وشاهدت حملات ليل الاعتقال
شكثر شاهدت امهات
مجتفين اولادهن وعيون يا ما معصبات
توسلن بالشرطه يبجن
ترد عليها الشرطه ردن
كبل لا نشتم اهلجن
خاين ابنج صاح شرطي
وكام يكفر بالتراب
وشرطي اخر كالها ابنج
صاح ماي الكرخه مالح
وشاب اخر اسمه صالح
شفته يعتقلونه متهوم بخلية
اعتقد بالسوك كايل احنه اصحاب القضية
والغبار وهالتراب
ماهو قسمة ولا نصيب من العذاب
هاي فعلوها الذياب
تريد نطلع كلنه عريانين منها بلا ثياب
لكن احنه نعيش بيها صواب من يلحك صواب
واهوه ما هو بكلشي ظالع
جان امس محتج عله الاوضاع طالع
شفت بيها شكثر اسرار الشوارع
وشفت بيها شكد فضائع
بعد كافي لا تسميني انته تربية شوارع…\
***************
17/82/2015 محمد عامر
المصدر :موقع الشاعر على الفيسبوك
كارون الثقافي، موقع أحوازي حُر ومستقل- حامد الكناني 
تشرفنا بزيارتكم ونتمنى دائما أن ننول رضاكم.