عگلي أصبح تایهات افکاره
مثل طفل ال یلعب بفراره
•••••••
یلعب بفرارته صبح وعصر
تاه عگلي یا خلگ چیف البصر
رایح بسطح الگمر یبني قصر
ویزرع بهام الثریا اشکاره
•••••••
گتله یاعگلي هذا بنیانك مایفید
یرید له طابوگ واچبنت وحدید
والگمر عن الأرض واید بعید
گال کلّه اتوصله الطیاره
•••••
گت له عن اشکارتك ارد اسئلك
یاهو یحصد گال یحصده الملك
والدیاسه یدوسهه چرخ الفلك
والهوا یذرّي الهه بغباره
•••••
گلت یاعگلي شنهو الّی شفت
گال شفت کثر اشیاء من عدهن خفت
الحگ نخیته وگال آنه تچتفت
والبطل مني ایرید یاخذ ثاره
••••••
شفت البد زین والزین بد
وشفت الولد بت والبت ولد
شفت ابوخمیّس من الارنب لبد
وشفت عتوي شارد من الفاره
•••••
شفت صار الفحم دُر والدُر فحم
وشفت ابو شلمبو علی الکرسئ دحم
شفت فوگ الگاع مصفوط اللحم
والسّمچ متعلگ بگناره
••••••
شفت واحد بالبحر یزرع سلج
وشفت ثانئ بورده راسه منفلج
شفت ثالث یترش بقالب ثلج
ایگول ینزر وارد احک ینزاره
••••
شفت بومه بذان لگ لگ فرّخت
شفت رگه نایمه فوگ التخت
شفت گنفذ شد علی الوزغه برخت
وابصفحته امعلگ الغداره
••••••
شفت ابو سرحان مگیود الخروف
شفت مفتح ظل یدعّم ما یشوف
شفت العمه محزّم رایح یحوف
کاظ بیده خنجره ومگواره
•••••
شفت شجره لوز بیها اعثوگ شیص
شفت هرّه معلگه برگبة النیص
شفت قاضي اشریح لابس له قمیص
قولته امن سفیف وکرب ازراره
••••••
محزم بچولان لیف اعمامته
من الثلاثه اثنین بس الهم فته
راد ثالثهم یقدم شکوته
خاف منه ونکر ذیل احماره
••••
گت له یا عگلي یا کامل یا ثجیل
گمت تمشي بلیه عرفه ولا دلیل
انتَ الّي بالشعر مالك مثیل
یاهو مثلك فاقهات اشعاره
السید صالح النزاري
[شاعر ولد وتوفي في الخیین-المحمرة]
مصدر الصورة والقصيدة: صفحة الكاتب الأحوازي توفيق نصاري على الفيسبوك.
شكاره= قطعة أرض زراعية.
ابو خميّس= الأسد.
العتوي= القط.
رگه=السلحفاة.
كارون الثقافي، موقع أحوازي حُر ومستقل- حامد الكناني 
تشرفنا بزيارتكم ونتمنى دائما أن ننول رضاكم.