فی آخر ایام عید الفطر المبارک

 اقام عدد من الناشطین فی حی الرفیش (لشکرآباد) لیله الجمعه 17 من سپتمبر 2010 فی آخر ایام عید الفطر المبارک ،معایده شعبیتا حضرها عدد کبیر من ابناء الاهواز.

 تضمنت هذه المعایده تقدیم الشعر من  شعراء اهوازیین ابتهاجا و احتفالا بعید الفطر المبارک و ایضا  تقدیم اناشید  دینیه فی مدح الرسول و آل بیته و الموسیقی و اغانی من الفنان  الاهوازی المعروف سعید سیاحی.

قدم الشیخ عباس الساکی فی کلمه من قبل الهیئه التحضیریه للاحتفال  اشار الی اهمیه عید الفطر المبارک و مکانته عند المسلمین بشکل عام و عند الاهوازیین بشکل  خاص  و ایضا اهمیه اقامه مثل هذه المعایدات الشعبیه و تاثیرها الایجابی. کما تحدث عن الاجواء الایجابیه فی هذه السنه خاصه وجود ایام  عطله لاهالی المحافظه للاحتفال بعید الفطر المبارک.

 ایضا قدم الدکتور سید جعفر الموسوی کلمه اشار بها الی اهمیه الدراسه و المطالعه و ضرورتها لدی المجتمع الاهوازی و اهمیه النشاط الثقافی و دوره فی تنمیه المجتمع.

فی النهایه تکلم الاستاذ حسن الفرحانی من مدینه عبادان  عن اهمیه اقامه مثل هذه المعایدات  و شکر  المحافظ علی الجهود اللذی بذلها من اجل  عطله العید فی الاهواز و طالب  باقامه مثل هذه المعایدات  فی قاعات المدینه بدلا من البیوت فی الاحیاء و دعم مثل هذه المعایدات  و ضروره  الاعلان المسبق من قبل القائمین  مثل البرامج اللتی یقومون بها باقی القومیات مثل البختیاریین و یعلنون عنها فی الشوارع و الطرق العامه..

من الامور اللافته للانتباه فی هذا الحفل کانت  غیاب العنصر النسائی فیها  ای غیاب نصف المجتمع الاول!!!….

 

تتطلب عرض الشرائح هذه للجافا سكريبت.

 تنويه:مصدر الخبر والصور مدونة بروال

أظل جاعد عَلَى جرف الدّجيل القلم بيديّه

 تهل عيني حزين امجابل السدّه
وين اديار أهلنه والمضايف وين؟

 وابيوت الأمير ودولته وحشده
وين ارجالنه واسيوفنه والخيل؟

هيبتنه وضمدنه ابساعة الشدّه
وين أهل الأمانه والشّرف والدّين؟

 والثابت عهد والصّادق ابوعده
وين اسباعنه الچّانت تهزّ الزَّور؟

منّ اتزير، وكلّ واحد لزم حدّه
وين اربوعنه اليگصدها چان الضّيف

 والهاون يدگ والدلّه عالوگده
واعثوگ النّخل والرّطب من كل لون

 والبُلبُل اينگّر بيه ويتغدَّى
والسّدره انحنت تتشابگ ويه الماي

وابفيها البلم خدها عَلَى خَدّه
وابراگ الشّريعه ايبربگ الجاموس

 كل واحد صنع من صاحبه امخدّه
واغصان الشّجر تتراگص ويه الرّيح

 لو مال الغصن مالت ألف ورده
والشبّوط والكَوسي وابو الزّمّير؟

 ترفعهن إلك لوصعدت المَدَّه
ولو طرّ الفجر تسمع صدَى القرآن

 يطرب لو يسمعه الميّت ابلحده
ولو طلعت شمس تفزع النّاس اصفوف

 كلمن بيده مسحاته ومشَى الكدّه
هذا أَمِسْ، يا محله أَمِسْ لاچن، أَمِسْ هاجَر

 مشه، مَرّ، غاب شِيرِدّه
واليوم أصبحت عيشته مثل الغاب

 واحد يفرس الثّاني ويگص چبده
وِاسْوالفنه صارت بس عَلَى الماكول

 هَمنه بالضّرس والحلگ والمعده
كل عالي شرف أصبح ذليل اليوم

 والمَولَى غده شايخ عليه عبده
والسّيف المتاحف زيّنوها بيه

 والخيل الأصيله أصبحت مَزدَه
واقلام الحبر هايه جگايرنه

 مِن نگعد انمصها ونحرگ البلده
والچّذب المصطّر رايج ابكل سوگ

 والصّادق تچَذبه النّاس واتطرده
والغِشْ والخيانه أصبحت أخلاق

 يتمرّن عليها الطِّفل الِبْمهده
والقرآن صوره ورَسِم صار وصوت

 وانغام وطرب بيه نفتح الگعده
 وانچان الحسن مبتلي ابجعدة شوم

 سمتّه اللّعينه وسببّت فگده
هاليوم النّسه بيديهن الأحكام

 وكل قريه تضمّ ميتين ألف جعده
لو گلها الرّجل انتي عمود البيت

 گعدي ابمنزلچ واتهدّي يَمْعَوده
تطلعله ابحذائه اتگوم تخفگ بيه

 ويشرد لابس ابرجليه فرد فرده
ــــــــــــــــــــــــــــــــ

تمّ نظمها سنة 1431 هـ  من ديوان نظم الرّاهب لدُرر المواهب
للشاعرعبد الهادي  بن سعد العلوان

المصدر موقع سماحة الاستاذ الشيخ محمد كاظم الخاقاني على شبكة الانترنت

http://alkhaghani.com/play-21376.html