عيد مبارك و اسعد الله أيامكم و كل عام و انتم بألف خير و عافية. هذه المشاركة من شعراء عربستان(خوزستان)، تختلف عن المشاركات السابقة من حيث أنها حرة بلا تحديد اي لون من ألوان الشعر و موضوعها غزلي بمناسبة عيد الفطر السعيد، و طلبنا من شعراءنا الكرام بارسال أحسن بيت غزلي عندهم عيدية لمتابعي موسوعة الأدب العربي في عربستان(خوزستان) (موقع أدبنا)، فأرسل الشعراء أبياتهم المفضلة في موضوع الغزل و شارك في هذه الدعوة ما يقارب 100 شاعر.
و الغزل غرض قديم من أغراض الشعر العربي يبين به الشاعر أحاسيسه و عواطفه الطاهرة و الصادقة تجاه موضوع خاص فيصف نار الحب و لهيب الجوى الذي يستعر به قلبه، و هو عنها راضٍ بكل ما يصله من محبوبه و يسكن في حب دائم لا ينقطع، و إن تخلى من وصله الطرف الآخر، و يصبح شعره بكاء و أنينا و تضرُّعا، و لكنه لا ييأس الشاعر من الوصول إلى معشوقة في كل حين. و كما تعلمون عُرف الغـزل منـذ العصر الجاهليّ، و ما نحصل عليه من تراث عصر الجاهلي من شعر الغزل هو رقة مشاعر شعراء الغزل و معاييرهم في جمال المرأة و لا يتعدى أكثر من ذلك، و لكن كان للإسلام تأثيرا ملموسا على شعر الغزل بحكم تأثيره الأخلاقي و الثقافي في المجتمع، و خاصة في العلاقة بين المرأة و الرجل، لذلك اتصف الغزل في العصر الإسلامي بالطهر و الصفاء و العفة، و برزت فيه بعض الأفكار و المفردات الإسلامية و استولت روح الصدق على الشاعر الغزلي حيث ينبثق كلامه من أعماق وجوده و يبرز شعره بحرقة و أنين، فهو يقنع مستمعيه بحرارة عاطفته و أمانة وصْفه لما يعبِّر عنه من شعوره تجاه محبوبته، فتظهر كلماته صافية لا يلوِّثها الخداع الاجتماعي و النفاق و المداراة التي قد لا تكون عند غيره من أغراض الشعر. و أصبح الغزل وسيلة للتعبير عمّا يجيش بصدر الشاعر و يصور أحاسيسه بنعي حبيب معنوي او مادي ابتعد عنه و يرغب النفس بوصله و هو من اصدق و أعذب الأغراض الشعرية، و يميل اليه اكثر الشعراء في الشعر الشعبي و الفصيح. اليكم ما ارسله شعراء عربستان(خوزستان) في الغزل:
(رتبت الأبيات حسب زمن الوصول)
مو عجبه إذا وجنتك تلهب نار***لئن من ناركلبي ماخذه الضاها
العجيبه الناس تشرد من سنان النار***وانه ابلهفه اجيت اتشابك اوياها
الشاعر رحیم ساري من الخفاجية
***************
ابصحن مرمرنقطه عنبرشامتك***ميت او روحي التردهه شامتك
تايه اولا عقل عنده شامتك***كيف يشمت ونته ذن بيك الصفات
و ایضا قال:
يخلي الغيرك كلي ولكمن***عليه ابنظرت اعيونك ولكمن
احركتني ابنار هجرانك ولكمن*** تعاود تطفي النيران بيه
الشاعر حسن المحسن نیسي الحویزي من الحويزة
***************
إكول العيد هل مجبل وعايد***و جيتك منكسرخاطر وعايد
ازرعت ماحصلت ثمره و عايد***الناس احصدت و آنه افرك بديه
و ایضا:
أهنا يمن حذت الكلب عيدالنه***ابحجي الوفه ياصأحبي عيدالنه
تدري اشوكت نفرج يتم عيدالنه***لو ينجمع لم الشمل و لمعشر
الشاعر شامخ عبیات المنصوري من الخفاجیة
***************
ايام الفركتك عديت بلعيد***تهت يل ماخذ الدلال بلعيد
دليلي انتظريمته العيدبلعيد***تجي و بلعيدخل نفرح سويه
الحاج عبدالقادر المزيدي من الفلاحية(الدورق)
***************
امتانی لاتروح ابساع بلعید***وصلک ولگلب مشتاک بلعید
عندی اهوای الک بوسات بلعید***امن اعدنهن جمر و یدور بیه
و ايضا:
باچرعود يسطع نور الهلال*** ويملي ابلادنه العيد ابفرحته
گلت خل اسبگ انه العيدجدام*** الحبيبي الحاب أحط بسمه اعله شفته
الشاعر سالم الساري من الاهواز
***************
ترف یالما چنت تشبع من ایتای ***اهجرتنی اوشوفتک ظلت من ایتای
لونک جاینی ابساعت منیتای ***اوحیاتک عمرثانی انطیت لیه
و ایضا:
چذب من گال یشگر مره شفتک*** اورحیقک عسل وسکر مره شفتک
انه ابکل هذاعمری مره شفتک*** وره عشرین عام ارجعت بیه
و ایضا:
صرت ماشوف غیرک منحبیتک***اودهاک استلم گلبی منحبیتک
انه امن ابعید اعرفک منحبیتک***لان ادوس اهیسنک علیه
الشاعر اسماعیل عیدان مشرف المشعلي من الاهواز
***************
حبیبی دموع سیل العرم هلیت***بجفاک واسئل الدلال هلیت؟
بلچی وها گبل شوال هلیت***فطرتک والصلا خلهن علیه
الشاعر ابو موعود الرشيدي من المحمرة
***************
چبدي ابنار هجرك هاك گلبي ***احرگه ولا تظن العشگ گلبي
تدري چم جرح جرحيت گلبي*** ابيوم العيد ماتنشد عليه.
الشاعر عواد بچاي الرویشداوي من الشوش
***************
حبیبی صیامک مبارک وعیدک***وفی وکلوکت ماتخلف وعیدک
احب کل یوم اشوفنک عیدک***وکل عام ابسلامه تعود لیه
و ایضا :
طبع بینه الکلام الیخل من عید***وناخذ من یجینه العید من عید
علینه اسأل ابیوم العید من عید***ننسه الغیض ونعاید سویه
و ايضا:
سلمت امری الحبیبی العذب گلیبی ابهوا***ولونطونی الدنیا کلها مااحب واحد سوا
بکیفه یتدلل علیه قابل بحکمه وقضا***یرید یرحمنی بواصاله یرید یکتلنی ابجفا
و ایضا ارسل:
الک یل عذبیت الگلب بدراک***حنینی وصرت من ویداک بدراک
مته یشرگ علیه ابفرح بدراک***و عاید من صدگ لوعدت لیه
الشاعر مرد مقدم من الفلاحية
***************
حریسه العین من تمشی تربلاک*** وعمردونک علی یکلف تربلاک
اذ اتخالف عهد حبنه تربلاک*** ولم الناس من تزعل علیه
و ایضا:
سره الگلبک دلیلی ونتقل بی ***وصبحت انت مهجتی ونتقلبی
عشربیبان گلبی ونت قل بی ***عشر بیبان بانیهن الیه
الشاعر سعیدکوتي الحویزي من الحويزة
***************
دمع الفرح لو هل منشفتله***اوحبیبی العید هلهل منشفتله
اشحلات الکلمه تطلع منشفتله***تهانی العید والبسمه سویه
الشاعر محمدحسن العرادي من خور موسى(سربندر)
***************
گلبی ابنارحسنک شبکیانه***و تبخرنهر دمعی شبکی آنه؟
هذا الصاده گلبک شبکی آنه***یاملک المای رجع گلبی لیه
و ايضا:
یبو لمعة جبین ابساعة اللیل***أوج احساسی لجلک واعلگ الروح
إذازلفک شطب والإیدسچین***هذنی اورودماصدگهن اجروح
الشاعر مرتضی حيدري ال کثیر من الشوش
***************
هلال العيد يا صيام هل هل*** و فرح كل مسلم ابطلعته و هل هل
مسچ عطرك يعيد الفطر هل هيل؟***سعيده ايامك الكل البريه
و ایضا:
يا هلال الفطر بينه يابه عيد***وخل نصيح ابصوت عالى يابه عيد
اسعد ايامك يدانى و يابعيد*تنقبل بأذن الله صومك والصلات
الشاعر رسول عبيداوي من الحميدية
***************
وحگ عينك وحگ طولك وجسمك ***علي بالي اشمريد احچي وجسمك
لون بيدي اكضنک وجسمك ***ثلث لهلك وثكثينك اليه
الشاعر جاسم الخزرجي من الاهواز(الگمبوعة)
***************
الک یا ولفی من شعری یبت بیت***رزن و مسودن ابهجرک یبت بت
مثل مکروهه و چماله یبت بت***و لو حلوه الملامه اتحوف بیه
و ایضا:
یولفی اسنین عمری انتهن بلعید***مرید اجفاک ذاب الجفن بلعید
مو گتلی اتلاگه اویای بلعید***خذانی الشیب یمته اتحن علیه
و ایضا:
نحیله الروح صدگ من شفاهه***وتبهذل گلبی بلحب من شفاهه
لذیذ العسل ینگط من شفاهه***ضگت منه وحیالی المات بیه
و ایضا:
یا هوسه التسلینی ویابیت***و یا مسجدحمل عتبی ویابیت
احلمت نجمه اطلگت بلحب ویابیت***گمر ولهسه شاعل ناربیه
الشاعر نسیم الناصري من الاهواز
***************
احب وصلک ابیوم العید ورده***انشتل حبک ابراس الگلب ورده
نحیل الجسم منی صار ورده***هواک الوسداه اعلی المنیه
و ایضا:
حبیبی المالی غیرک أمل وسلاک***و لا لحظه ابدلیلی اتضیع وسلاک
ابجفاک اخیوط جسمی انفتل وسلاک***و بقیت انحیل بس النفس بیه
و ايضا:
حبیبی دوم احب وصلک وباریک***ابوحل حبک طمس جدمی وباریک
اضل بلعیداحیلک وباریک***و اودی الروح لوتقبل هدیه
و ايضا:
حبیبی واحب منصحتی صحاله***جفانی و لا اله ضامر صحاله
مر بلعید و لسانی صحاله***سمع لاکن بخل بلرد علیه
الشاعر حسین وحید الساري من الاهواز
***************
أشلون ابغيرحبك تظن شبگه***حبيبي الشبگتني ابشوگ شبگه
أشوكت واتشابگ آنه اوياك شبگه ***تگلي وآنه أگلك ظل بيديه
و ایضا:
أموت أبقهر بعدك ونتلايم***غيري و ظيم دهري ونتلايم
أشوكت وصلك أنوله ونتلايم***روح أبروح وألحب يشع ضيه
الشاعر مهدي ارزيج النعیاوي عساکره من الفلاحية(الدورق)
***************
العليه جنت اسهر اليالي ولالي***عليه مدمعت عينه ولالي
لالي ويل جفه حوبه ولالي*** بخت حتي ابوصال ايحن عليه
و ایضا:
غزلني اليالي وبره مني***وتعال وشوف حالي وبره مني
جيب الخيط منك وبره مني***ونشل اجروح البگلبي سويه
الشاعر عبدالقادر مجدم من الفلاحية(الدورق)
***************
تله العاشق اسیر ابصوت بأیت ***بعد حاء الحقیقه النو
انه ابسچت قطار الشوگ بایت ***اذا متمر قطار ایمر علیه
و ایضا:
یمرسه ابلی جمع خلان مرسم ***شبه لوحة هجر بس لوح مرسم
بلیه الخل دخله الیصب مرسم ***یصب النه و دخل نجرع منیه
الشاعر محیی چاملي من الفلاحية(الدورق)
***************
دمع الفرح من شفتک ولک هل***رحب بیک دلالی ولک هل
هلال العید یمدلل ولک هل***بجاه العید بلکی تمرعلیه
عباس ابوسعید الکناني من الشوش
***************
خدک إلقاعا او جفونک منصلي***مستوي گلـبي إبـودادک منصلي
بلـقـنوت تدري شگولن منصلي***ربنا لا تفرق بیننا إبهل حیات
الشاعر عادل خلف ساري من الاهواز
***************
هاجدمي ابغيابك سار هاكل***وهانصي انضرم حسرات هاكل
يسمر يلفراگك طال هاكل***گلب وبلبتك علگه سخاب
الشاعر توفیق نصاري من الفلاحية(الدورق)
***************
یل خذیت الگلب عدک یابه عید***وانا وهگان ابغرامک یابعید
اشوکت تدری ایصیر عدی یابه عید***من تگلی الیله اضل یمک ابات
الشاعر مصطفی کثیر من الشوش مدینة الحر
***************
هل العید بس یا عید وچسانی الوکت هم وزودت نوحی
وگلت عیدالمبارک یامصاب البین وچکلیتی الدموع وساتی اجروحی
و ايضا:
موحتما العایزعل نواط ایعوز***وچسیت العوز انا ابلمت احبابی
گبل لاچف یجیلک انت اتعناه***و صیح اهلا و سهلا علمت بابی
و ايضا:
یانسایم شته وبلحر عایده***و بوسط گلبی اخیول هجرک عایده
اگصد المحبوبی خایب عایده***وخل ابوسنهن اشفافه الصایمات
الشاعر مهدي الیازع الصرخي من الشوش من مدینة الحر
***************
ردت ابهلفطر أتعايد اوياک***لاچن لالگيت و لاشفت دارک
بگليبي صحتلک ليلة العيد***يا يوسف الزهره عيدک امبارک
الشاعر علي الحاتمي من الاهواز
***************
ابدليلي شوگ الك دایم ولهدوم***أعـمّـر و ابنـي ابحـبّـك ولهـدوم
هِـدِم لا تشتري ابعیدك، ولهدوم***أفصّل روحي لعیونك بـدیّـه
الشاعر منصور العرادي من سر بندر
***************
حبیبی انته سبب علتی وجنتی***اوخلیت الدمع گصص وجنتی
جفاک ایسعر ابناری وجنتی***وصالک لو ترید اتعود الیه
و ایضا:
حبیبی اعلیک گلبی انشغل ودراه***طواه شوگک شبیه السجل ودراه
اصبی عینی الدمع بجفاک ودراه***اشوفک بیش من اتعود الیه
الشاعر نعیم ابو مسلم الکروشاوي من الاهواز
***************
كون انته طير اتصير وآنه الاصيدك *** ولقفص قلبي ايكون مفتاحه بيدك
كون آنه ونته انصيرسمجه ابطن ماي*** أونكضي العمر بلشوق للتالي يهواي
الشاعر ملا عمران العبادي من عبادان
***************
من خده ولفي اتمكنت بستاني***منه ازدهر وردي و عمر بستاني
اعليه احشم يا ترف بستاني***من الشفايف بوسه رايد يشكر
و ایضا:
جرح البگلبي اغميج ماله دوه و داي***بس بوسه تشفي الروح من شفت اهواي
الشاعر عبدالحسین باوي صیاحي من الخفاجیة
***************
اخوتي اشما جفوا وياي احبنهم***اشعندي غيرهم خواني اريدنهم
هاذه اليوم عيد وكلت ازورنهم***افرح يادليلي وبشر انصارك
ايامك سعيده عيدك امبارك
الشاعر هاني المدحجي من الخفاجية
***************
علينه ابخيرمن هليت ياعيد***خليت الگلب خلان ياعيد
دضل ازهى يعود الياس ياعيد***الامل حتى الاهل تسگيك ميه
و ایضا:
اشد ابتوت دلالي وعايد***مراجيح الأهل ودي وعايد
قبول اصيامکم يهلي وعايد***ابسرور العيد وياکم سويه
و ایضا:
المرقدعلى ، ماقبل؟ محبه؟***احبه ودنبى ابحبه محبه
ضده اشما يكرهونى محبه***احسبتهاوفضل من ربى عليه
الشاعر جواد عتابي من الجراحي
***************
عندی الأمل بلعید و قسم بلحسین***یظهر حبیب روح و یکحل العین
الشاعر مسعود سعیداوي (حاتمي طرفي) من الاهواز
***************
الک ضحیت کل عمری وعیدین***ورید احچیلک اشعندی وعیدین
حبیبی انته او نظر عینی وعیدین***الی ابرمضان من تجبل علیه
الشاعر سید عبدالخالق ابو عبادي من معشور
***************
من ضحچتک لب دلیلی ینفطر***اوعگلی من نظرت جمالک ینفطر
واجب ابنخلات صدرک ینفطر***العید مجبل ولعثوگ امکرکشات
الشاعر کریم الزهیري من الشوش
***************
ضعف جسمی ولا إمن الحیل تمشی***او بس ایدی لمای العین تمشی
إمن اشوفک یوم و یا الغیر تمشی***أبیدن و الهدم یثگل علیه
الشاعر محمد کعبي من الشوش
***************
اشضرک یا دهر ننجمع لیلا***ابنعم تسعف ولا تنگال لی لا
غفل منی ارحلت یا حیف لیلا***بوسط بیده اگطعت یا دهر بیه
و ایضا قال:
قرّبي ما بیننا بالحل فالعشق عباده ***واذا ما دنت الانفاس و الهمس رفادة
یتلاشی کل ما في الکون من عیب وعاده***وسنبقی مثل طیرین علی غصن السعادة
اه لو تدرین مابي اه من نار التهاب***اه لو تدرین ما بي من دموع وعذاب
لیس غروا ان تبعت الناس في وصف انسکاب***فمصاب الناس بالحب قدیما کمصابي
و ایضا قال:
العهد ویاک ماخونه مثلما***لئن بالنسبه لی شخصک مثل ما
احلفنّک علیک الله مثلما *** أحنّ اعلیک هم تحن علیه
الشاعر شیخ مهدي الساري من الحویزة
***************
“رحیل”
قبل الرحیل
کتبنا اسامینا
علی اشجار الحدیقة البیضاء
فی الشتاء
غدا”
سیأتی الربیع
تخضًر الحدیقة
و تکبر الاسماء
لکن انا و انت
لسنا فی البلد.
الشاعرة منی حزابی زاده من عبادان
***************
ینزف دمع البعینی ویهلای*** ترکت الچان ضامرلی ویهلای
اجانه العید متولم و یهلای ***اجیک ابشوگ نتعاید سویه
الشاعر حاج عبد علي مرعي من الخفاجية
***************
يا صاح كافي الهجر طره علينه فطر***من ماي وصلك كطع صبح ابكلبي فطر
طير المحبه صدك زاده كطعته فطر***من عكبك آنه صرت بلهم صفك راحتي
و اجمع اهمومي الصبح و اطحنهن ابراحتي***لو رايد انته صدك ما تنسلب راحتي
عايدني ويه الخلك بيام عيد الفطر
الشاعر سيد شبر حسیني من الاهواز
***************
سبحانه الخلق عينك ورمشاك***وخله الكلب كل مشيه ورمشاك
شنهو هاذ بخدود ورم شاك***اظن تفاح و مقطي عليه
الشاعر صادق حسون ابو سامر الساري من الاهواز
***************
اجه الواشی یگلی الیوم شفته***حبیبک یفتي بین اناس شفته
فته اوحلل علیک اتبوس شفته***اوعله المخلوق حرمهن سویه
و ایضا:
کل مسلم یتانی العید یاهل*** بعطورا الورد فواح یاهل
انشدنک اضل ميئوس یاهل***تجی اویل عید لحبابک سویه
الشاعر عارف کنعاني من خور موسى
***************
مر فرگاک ما ینجرع مریم ***علی اگلیبی و وصالک ورد مریم
یطارش لورحت للسلف مریم*** تراها و النبوه افتکت بیه
الشاعر علي الصالحی ابو نزار من عبادان
***************
غرگ مشحوف همک شلهه بیه***صحت و جروحی منک شلهه بیه
هبیه اهواک یدعج شلهه بیه***اجذبتنی اعاصفت ودک هبیه
و ایضا قال:
احبکم یل احاسیسی هونکم***اعزاز او لا یحب گلبی هونکم
صحت یحباب تانونی هونکم***مرار افراگکم اثر علیه
و ايضا:
چانون اشتعل گلبی والک عن***دخیلک یسمر اسعفنی والک عن
الک ویه الطرد کل شر والک عن***سحر هاروت و امدوخ البریه
الشاعر محمد الراشدي من دزفول (شهرک سید نور التفاخ)
***************
رضاب اشفاک یشگرماسکن بیک***واسف حبی و ودادی ماسکن بیک
چنت وکت الموادع ماسکن بیک***ابرحیلک خذت یوزا چفوف ادیه
الشاعر رمضان العگیلي (عقيل) من الاهواز
***************
عسل شتر ید بس امرعسل مر***عسل خلهم یشوفنک عسل مر
احلفک یاعسل شایف عسل مر***ابلهتاتی چیه تمر ماتمر بیه
الشاعر فرحان کناني من شاوور
***************
یلخذت محبوب گلبی عیدلی***هوه روحی وهوه عگلی وعیدلی
تدری ابیا یوم اگولن عیدلی***ابیوم اشوفه یلتف ابحظنی ویبات
و ایضا ارسل:
اذا تحزن اصیرن ونتکانه***انا انته حبیبی ونتکانه
اصیر ازرار زیجک ونتکانه***اشیفکک من اتک روحی بدیه
الشاعرعبدالکاظم فاضلي الحمیداوي من شاوور
***************
يل شوفتک عيدين عيد احله من عيد***من عدي الک بوسات عل وجنه والجيد
يل شوفتک عيدين فطر وضحيه***من عدي الک بوسات صبح ومسيه
الشاعر کاظم خسرجي من الاهواز (المگطوع)
***************
(جل ال ) جمع بين النار والماي*** بخدوده و، منهن نشب ،ولماي
دمع ، يا عين كل ما بيج ، ولماي ***اريد ابجي علي ال، مارحم بيه
الشاعر عبد النبي الباجي من الاهواز (الحایی)
***************
یا ناهی بشوگ من لاهی ترکتل***هوی؟و ضیمک وسط گلبی ترکتل
اذا ما جیت لوداعی ترکتل***روحی، و موتتی تصیر بإدیه
و ایضا:
همت و الگلب من فرگاک بیدای ***و حرت أبدی لعلاجی الصعب بیدای
الوکت من چنت یمی چان بیدای***رحت منی و ضعت آنا من إدیه
و ایضا له:
ازف اشواگی کلهاعطور و بألوان وردیه
و تحیاتی بکبرکارون ونخلات الفلاحیه
بحلاة البرحی و الگنطار وطعم بیت الابوذیه
بحلول العید اگلک هاک إخذ گلبی الک بمکان عیدیه
و ايضا
گالو اهل الدین باچر یوم عید***وحرت شأهدی للمحب بأعیاده
شفت خالی الوضع مامش شی بل اید*** گتله هاک الگلب علگه گلاده
و ايضا:
بوعیدی اوفیک یالوافی وعیدک***وأرجعک لو ردت تبعد وعیدک
بسرورأیامک أتمنا وعیدک***مبارک وبهواک تدوم لیه
الشاعر عبدالخالق آلبوعلي من الفلاحية(الدورق)
***************
علی الساعه التواعدنه میتلی***او علیک احزنت چن واحد میتلی
نذرت السانی غیر أسمک میتلی*** لحدما ترجع اوت عطف علیه
وایضا:
دلیلی ما یثبته اثبات ونجر***تعلگ بیک عته الشوگ ونجر
لگصلک وصل من اعضای ونجر***صورت جندی ما خذلک تحیه
و ایضا:
جمیله او طیر سعدی منعس الهه***المحبه او شرگتنی منعس الهه
لها نظره او عیونن منعس الهه***او لها طول الیحط أجنون بیه
و ایضا:
أعیونی أعلیک من الدمع بل ین***وأعوض الراح بلکی انوب بل ین
ملومن قیس گضی العمر بل ین***لئن مثله شفت لوع و أذیه
و ايضا:
اهلالک يا شهر شوال منهل***علينه ابفرح دمع العين منهل
ويه الموعود ناخذ ثار من هل***طغات او نمحي کفران الوطيه
الشاعر ایوب زرگاني کربلایي من الاهواز (شيبان)
***************
بسمک ماعیزللسان بلعید***یون گلبی علیک و یدگ بلعید
لون دگیت بابی وجیت بلعید***اناوبابی ابرکض نفزع سویه
الشاعر عماد الساعدي من الشوش (مدینة الحر)
***************
خندق ایوصفون جرحک لافطر***وگلبی ماصام اعلی حبک لافطر
لاشهر رمضان یمنع لافطر***اشلون اصوم او وجنتک بیها الحیات
الشاعر منصور الیازع صرخي شوش (مدينة الحر)
***************
دخت لما عیونک کلمنّی***خدرت و راح حیلی کلمنّی
علی شوت أگلیبک و کله منی***و نجیب الگول و أنعید سویه
الشاعر سید مهدي سیدعبدالله الموسوي من الفلاحية(الدورق)
***************
روحي اجفاك عذبهه نحلهه***علي حتي الارض جمعت نحلهه
القضايه البيني او بينك نحلهه***تعال او خن اكظك بين اديه
الشاعر کریم حمادي الساري من الحویزة
***************
اغاري او كل وكت ايزود غيراي***عليك او ما يحبك بشر غيراي
مثل مهره او لفاها الخوف غيراي***الك او لو گبل شخصك عليه
الشاعر زكي كريم الساري من الحویزة
***************
گضیناه ابحزن وبهم عمرنه***اتعبت گاع الصبرگدما عمرنه
اهوای اگلوب مکسوره عمرنه***لعد وینه الیعمر گلب لیه
الشاعر حسن مگطوفي ابوعلاء من معشور
***************
هات من شعرالفرح بل عيدعيد***او عليه لا تبخل يشوقي عيدعيد
عيد من أحظه ابوصالك عيدعيد***يل دعيت العقل متسودن يبات
الشاعر حاج جلیل الحزباوي من الاهواز
***************
مثل هالناس یدعی مانعدک ***تدک و اتلال صدرک مانع الدک
شکو اتدور علیه مانه عدک ***بس عیناک ما طاحن علیه
و ايضا:
وحگ اعظم نبه البی حچت عما***گلبی الهم عگب عیناک عما
ما یحتای ابح بجفاک عما *** ..جرالی ارسوم وجهی اشهود الیه
و ايضا:
یا ترف بجفاک لحت عالدعی اید ***..گلبی و احسبلک ثوانی عد اعید
لا تظن بالعید اعید، عدی عید*** من ترد و اتعید الیه الذکریات
و ايضا:
عدنی ابعداد بالک یابه عید*** یا جریب البیه احسک یا بعید
مو گلت بالعید اجیکم، یابه عید***عود حته اتفل حزنهه الذکریات
و ايضا:
تظن لیره ابغیابک ودرهم له*** ..دلیلی او غیر ودک ود رهمله
ودادک چیف اهمله ودری همله***علیه اصعب و امر من المنیه
و ايضا:
ادموعی ابمسح ما تنشف ولاماش*** یزت و ایست لا سم سم ولاماش
مامش من هلک طارش ولاماش ***طارش من هلی ینغر علیه
و ايضا:
اهنا یاللی ابلهیب اجفاک موعیت*** دلیلی او من ونینی اعلیک موعیت
او حیاتک مالی حیل انساک موعیت ***یعتنی الشوگ الک و ایگود بیه
و ايضا:
اهنا یالمالی حیل انساک وتریک***هواک او تضوی چن اسرای وتریک
یمی او عالدلیل اتیور وتریک*** انعم الله او لا گطع وصلک علیه
الشاعر عادل الحمادي من الاهواز
***************
لون أرشف الناهی ملمانی***صحیت امن الأذیه ملمانی
بطل لومک یلایم ملمانی***هویته ولا نفع کل لوم بیه
الشاعر محسن آلبوسلیمي من الفلاحية(الدورق)
***************
شجانی اعله الگصوا بیه بس اتهل***و عینی امن النظربطلت بس اتهل
یعید ابطلت افراحک بس اتهل***ابحیتک راح ازور العن علیه
ايضا:
العید اعگاب شخصک ماردیته***یلبهجرک دلیلی ماردیته
خذیت الگلب منی ماردیته***اذا ماذیک رد گلبی علیه
ايضا:
یریت اهلالک ابکل فرح ینطل***ابسمانه و یوم عیدک عمر ینطل
صدگنی یفطر امراد ینطل***خلگ صبحک لون ینفجر ضیه
الشاعر صدام ابوسجاد جنامي(معاوي) من الاهواز (شيبان)
***************
روحي الك يت ابشوگ تعرف اخبارك***و معطرا ابچلمات عيدك امبارك
الشاعر محمد بهادلي من الشوش (مدينة الحر)
***************
حلو و اروح دایم تحب وصلا ک***لبیب او جانی المعروف وصلک
احسن اصل و رکع الک وصلک***رکعتین اصبح لجلک تحیه
ايضا:
حبیبی امنل سفربسک ولک عود***علیه او مجبل اعلینه ولک عود
دمر او سلم ابطیفک ولک عود***لیله عید نتسامر سویه
الشاعر حاج عبدالزهرا حزباوي من الفلاحية(الدورق)
***************
السلني و نحل اعظامي ترف راك*** ولفي و شعره يتلامع ترف راك
ايا راك العله ازنوده ترف راك ***اغوصن بيه وشهك للثريه
الشاعر عباس الكوتي من المحمرة
***************
هله بهلال عید الفطر هلهل***علینه اوگام کلمن محب هلهل
دشوف الدمع غطه النظر هلهل*** فرح و فراگ رمضان الشفیه
وايضا:
ابسر حبک دگلی فاتحتمن*** او من یمک دلیلی فات حتمن
امهدل چنت تلطم فاتحتمن*** شفت سدرک طحت مقمی علیه
الشاعرجلیل سیلاوي من الاهواز
***************
ولهه اروح احس بجفاک ولهه***اسبب شوگک شدهلی البال ولهه
لهه امحبتک احن ومتحن ولهه***اون ماونت الخنسه اشجیه
و ايضا:
الگلب یهوا اوبات انفس ولعین***وسب من عاش بذل دوم ولعین
یخل ولع انفس علمجد ولعین***فعله اود اهل وده الوفیه
و ايضا:
اجلبنک یلیلی اولیل یعگب لیل***ذکره اولوعلک لوعه اتهدل حیل
اکتبلک شعربس اعرف اتئویل***الیحبک من صدگ لزید تعذیبه
و ايضا:
قفل گلبی اهواک یدعج سن سله***او ما ضحکله ابغیرسنک سن سله
سهم هجرک من یگلک سن سله***ابگلب گلب الیک حامل ذکریات
الشاعر ناصرفرطوسي من الاهواز(الغزانية)
***************
یا صایم شهر رمضان امبارک صومک امبارک***اذا انت ترید الخیر او دومک تمشی بدروبه
او تحب العتره بل اخلاص تدور ابحبهم التوبه*** یغفرلک الاه الکون او یشفعلک ابمحبوبه
زین الدار آخرتک مثل ما زینت دارک
ايضا:
من مثلي ابجفه احبابه تمرمر***يناس او صبح ابريجه تمرمر
يدعج بلکت ابحينه تمرمر***اشوفک ولصعب يسهل عليه
الشاعر کریم ابو هادي چناني عبدالخاني من شاوور
***************
عطر شعرک چن حدیقة یاسمین***اورمش عینک گلی ماخذ یاسه مین؟
گلی یجرع انسولینک یاسمین***سکرک صاعد مثل علی حد النبات
ايضا:
عطر شعرک چن حدیقة یاسنه***او ایس اشگد من رحیلک یاسنه
من رحت ماگلت ترجع یاسنه؟***علدروب التمر چت افرش وبات
الشاعر مصطفی شلیجي عید من الحويزة
***************
یلیال الهنه عدتن و عدنه ***وصبحچن صارفرحه النه وعدنه
لن الله ورسول الله وعدنه ***اذاصمنه الشهرناخذ هدیه
الشاعر فاضل ثوامري من خور موسى
***************
صفت روحي ابهوه الخلان مأنوسه*** وقدت فرحه الأهالي الأدب محسوسه
شعر موال، بوذيه ونظم هوسه*** ورود امفتحه بهالعيد نهديهه ابألف بوسه
الشاعر عادل ثوامري من خور موسى
***************
یا ابونخیله اعله المتن عیدنه***نتسامر ابلیلک وطر عیدنه
رمضان حین انودعه عیدنه***ابشوال من فجره یطر و یظهر
الشاعر عبدالزهرا ابو علي الاسدي
***************
يرجع علينا العيد و إحنه بسعادة ***واللي يريد الخير يحصل مراده
و قالت:
ايها العيد الذي قد جاء نامع الأطيار
أغفو و أصحو على أمل رؤياك
التي هي أروع ماأصادف في الليل والنهار
إن لك بقلبي ربيعا مزهرا مليئا بالشدى والازهار
فأنا كموج البحر الذي لايعرف اين القراز
الشاعرة عواطف حیدري من الشوش
***************
عوف الزعل يابو الوفه عيدالنه***ابطور الغزل يشمل فرح عيدالنه
جيتك عيد و بكره هم عيدالنه***ابعيد الفطر و ابجيتك نتبختر
الشاعرة نجات كاظمي طرفي من الخفاجية
***************
يبو انخيله اعله المتن رماني***اوبسهام ناصبلي الوكت رماني
راميت الحزن والحزن رماني*** امحير وابفركتك مااكدر
و ايضا:
وحك رمضان وصيامه ولعياد***اوورا كليوم بكليبي ولعياد
رحنه واوراحت السيره ولعياد***ويه اهلنه المظو تحت الوطيه
و ايضا:
كلشي اليطري علبال ايمر واعدى***بس الحبيب الروح بعيوني اخلي
الشاعر جعفر ابو عباس الزركاني من الاهواز
***************
ياحلوه لو بيدي اشكثر وبختج***ابحظج عساها اذنوبنه وابختج
جم صايم ابوردج فطر وابختج***اوجم صايم ابصايم جمالج فطر
الشاعرعلي الصالحي الطرفي من الحميدية
***************
لايهل وصل هواي ، أفطر و أعيّد
لا ، دونه دوم الصوم عندي و أزيّد
٢٦ / ٨ / ٢٠١١ الميلادية
الشاعر عادل السكراني من الفلاحية(الدورق)
***************
فذقت ماء حیات من مقبلها ***لو صاب تربا لأحیا سالف الامم
****
حمرة خد مها الدیره حیاها *** العجد و اهله وصدا الحایط حیاها
لماها لو جره ابصبخه حیاها*** ودعا الصبخه اللما جنه زهیه
و ايضا:
اشلیامه اتعوگنی عنک شنهوا*** واذا ما اهوه بدر وجهک شنهوا ?
گالو عید گلتلهم شنهوا ? ***العید ابفرگته عاشور لیه
الشاعرمحمد جاسم شیخاني من الفلاحية(الدورق)
***************
حبيبي إرجع بعادك مرعليه***و صفت جيعان هجرك مرعليه
ابيوم العيد إنطرك مرعليه*** وذا ماتمرعاد إبعث تحيه
الشاعر غلامرضاعساكرة من الفلاحية(الدورق)
***************
عیداً یا حمول الولف عیداً***حتی العید یصبح علی عیداً
یلاهی الی جعلت الیوم عیداً***ارید العید وی ولفی سویه
الشاعر رحیم المنهل الحميداوي من الاهواز
***************
اسلام و جمع فرحانه بعدها***الفطر و البعض مختلف بعدها
الشیعه اتانی المرجع بعدها***یعلن عید و تعید سویه
الشاعرحاج رحمه شبوطي الزرگاني من الاهواز(الزرگان)
***************
حگنه من اجفاك يسمر يانعيد***ما يكف اسنين همنا يانعيد.
خلنه نتراضه حبيبي يانعيد***انته ماسامع المثله الفات مات
الشاعر مسلم الزهيري من الشوش
***************
حلوا محبتك يا وفي مامنهه***بدنيه حبك مهجتي مامنهه
اشگدما نهوني منلعشگ مامنهه ***للموت اضل وهوا شبير و شبر
الشاعر قاسم مشعلي من الاهواز
***************
حلفت الغير حبک دين منهل*** اوعشگنه صبح للعشاگ منهل
الناس اتعيد ابشوال منهل ***وانا اوصالک يناهي العيد ليه
الشاعر خليل الحياوي من الفلاحية(الدورق)
***************
انتظرک یه عید وصار فتره اهوای***و محبتک و بلگلب کل یوم عندی اتزید
چنت صایم شهربس عندی ریحت بال***من صبح الفجر انتظر انه العید
الشاعر ملا علي مشعلي من الاهواز
***************
افگدک دوم باطیبات هل هل***افگدتنی ابیوم وکتک فرح هل هل
اهلال العیدعل المخلوگ هل هل***ارید العید و جیتک سویه
الشاعر سید محسن البخاتي من شاوور
***************
ابلقاك احتار اشمن مسك لوهل ***حبيبي و تسوه دمع الفرح لوهل
اره اخلافك اهلال العيد لوهل*** يبشرني ابأسه و حسره و اذيه
(المخاطب شهررمضان)
الشاعر فرحان الاسدي من المحمرة
***************
أتغزل طوال اليل ماخذني العشگ بهواي***حبيبي و دوم احبنه يحبني او مايغيرالراي
يگلی اگعدحبیبی اوگوم سولفلی ویأکد ابهای***السوالف تکثرویگرب یگلی اگرب لعدزلفای
دنیت اومن تدنیته امدایدی او یزودالفای***اضلن اسچب الدمعه حبیبی اومایردشکوای
أگله لیش یامحبوب فداالإسمک جمیع اعضای***یگلی هیچ ماتوصل تضرع وابچی ابسجدای
أسجدله واسولفله ابألامی وچثیرالدای***یگلی مرهمک عندی وکل عاشگ یفسرهای
أگله یاحبیبی اشلون اریدک تلتفت لیای***اریدالأخره ابتضمین اواریدالعزاناابدنیای
یگلی اثنینهن تضمین لوتضمن عهدوفای***غیری ماتحب ثانی اوتشرک بلعشگ ویای
اوبعدیطلب علیه اتصوم وابذل من حلالی اهوای***واناالیوم ریدابذل ابحگ راعی الملک ورای
وانطی المال للمسکین وابذل للشعرعطای***حتی لایعیرنی بخیل اوماوفیت ابهای
اریداوفی العشگ للزین واسولف محنتی اوسلوای***نسیت الناس یامحبوب اونسیت العشره اناابدنیای
(صفت ابحب حنان العید امعید من یعد اویای)
الشاعر عباس ال کثیر من الشوش
***************
خفايا الزيج من دنج تراون***غفل و اعيوني من عدهن تراون
خلف بالحشا و گلبي تراون***اون و اشفاي بالبانن عليه
الشاعر فرج ضمدي من شاوور
***************
حبیبی العگل من فرگاک ینعاد***یمن العمر دونک عدم ینعاد
یریت العید عام الجای ینعاد***علینه وشملک و شملی سویه
الشاعر محمود الصالحي من عبادان (الشلهة)
***************
چثیره اهموم صابتنی ولاعید***وطبع بیه اشتبه مره ولاعید
ابفرح ماکفن افراگک ولاعید***لئن انته البدیت ابهل قضیه
الشاعر سکر الستاوي الشوش (مدينة الحر)
***************
رسايل للتحبه الروح لک لک***اوسلمني عليه اهواي لک لک
گله البيت هاذه إنکتب لک لک***عله الشاطي او لهيب النار بيه
الشاعر حبیب ابو احمد سیاحي من الاهواز
***************
هله ابیوم الفرح لستمر والعید***وحسب گلبی چثیر اشواگ والعید
گالوبلخمیس العید والعید***ویصیر العید من نگعد سویه
الشاعر توفیق ملیاني الشوش (مدینة الحر)
***************
اناعشگی اویاک چن قیس او هوا***یعني حاضر افدي عمری الخاطرک
انته چن اهلال عیدالله ابخسوف***و اناصایم عمری کله اتنطرک
الشاعر سلمان ابومیثاق الحمیداوي من الاهواز
***************
أريد أقراك ياشعري وعيدك***الحبيبي الأنجز ابحبه وعيدك
عساك ابخير يحبييب وعيدك***امبارك والأحزان البيك بيه
الشاعر علي غالب ابو وسام درفش من الفلاحية(الدورق)
***************
مناره الطول من ابعيدشفتك***و طعم ريحان ضوك العسل شفتك
اذا شفه اعله شفه علت شفتك***الزك لوتكص اثنين اديه
و ايضا:
اباب البيت واكف جان شفته***حلو الطول و امن الورد شفته
تدري اشحكم كلبي ابهاي شفته***حرام الغيري تطيك الدنيه
الشاعر كاظم عفراوي من الكوت
***************
ياجميل ايامنه الحلوة التسر***اشرف الأعياد ياعيد الفطر
من يطرفجرك علينه اشگد حنين***تجمع الأحباب و اتزيح الكدر
تروي كل لحظة انت من فضلك وئام ***لهفة اگلوب اشكثر تهدي الظفر
تهدي حب تهدي الفرح تهدي السلام ***ريته يومك يبقه گد كل الدهر
الشاعر عبدالحسین علي صیاحي من الاهواز
***************
بچه الوني خضر يابس ولفطر***الك و الگلب بي ميه ولفطر
اگظي اصيام كل عمري ولفطر***او لا عايد فطر وهموم بيه
الشاعر احمد خنفري من معشور
***************
چن طیر و شلت بهواک و انتل***و احس گلبی انملخ و انتل
انته الساکن ابهل روح و انتل***نبض دگات گلبی التدگ بیه
الشاعر احمد ابو صبیح دفتریان من معشور
***************
جوا الگلب حبچ یضل متخافی***یم الحسن جدمچ علی متخافی
انطینی بوسه امنل الحچی متخافی*** و خلینی یوم العید بالحب اسکر
الشاعر عدنان آلبوعبادي من معشور
***************
الحلو حلوابحلاته شصف وصفه***وشوصف الصافی من الذهب وصفه
بس ماوصل فای الفاه وصفاه***الفای ابرشفته یاخذ تحیه
و ایضا:
الشری امن ایدک عسل کل وکت مامر***وجدم الشوگ الک للغیر مامر.
ضامی وردت رشف اشفاک مامر***علیک اطلب لطفک علیه.
و ایضا:
کثره احباب بالاعیادعدها***وفه وبلمت الخوان عدها.
یلآهی بجاه هذاالعیدعدها***بسعاده اوفرح دایم واریحیه
و ایضا:
العید اهوای بی خلان سلهه***ونعش کل الگلوب البعد سلهه
البسمه وشفه بالعیدسلهه***اشکثربالفرح تاخذلک تحیه
الشاعر الشیخ عبدم مهیوب السویطي من الاهواز
***************
اهلال الفطربين هل هل النه***و تفوح ابعطر دلتي وهل هل النه
ابفخرشاجورعزمي هل هل النه***يبشر هلي ابعيد الهل عليه
الشاعر احمد بني سعيد من مدينة الجراحي
***************
تعال احچیلک اهمومی والی عید***اهمومک وانا ابچیلک والی عید
تدری العید یمته ایهل والی عید***لما ابلیله سمر نگعد سویه
الشاعرشیخ ملا محمد آل معلا من الشوش (مدینة الحر)
***************
زعلک کفه هلطول ولک عید***اون ابغیبتک والطم ولک عید
الناس ابعیدها تفرح ولک عید***رد والفرح خله ایرد علیه
الشاعر مسعود زهیري من الشوش (مدینه الحر)
***************
شكرا لجميع شعرائنا الكرام و اقول لكم احسن عيدية قدمتموها لمحبي الشعر العربي و متابعي موسوعة الادب العربي و عيدكم مبارك و ايامكم سعيده و كل عام و انتم بكل خير و عافية اعاده الله عليكم بالصحة و السلامة
اخوكم علي الطرفي
*************** *************** ***************
المصدر:موقع أدبنا مع الشكر الجزيل للشاعر و الأديب الاستاذ علي الطرفي
تنويه:تم تغيير بعض الاسماء المزورة للمدن و النواحي الواردة اعلاء و استبدالها بالاسماء التاريخية و الصحيحة لاقليم عربستان(خوزستان)العربي
مركز دراسات عربستان الأحواز- حامد الكناني 
تشرفنا بزيارتكم ونتمنى دائما أن ننول رضاكم.