(تسونامي السياسة)
تسونامي السياسية امعزم إيطوف
تونس حضنتة ومصر أعله تغيير
فتح صفحة جديدة و جملة أفكار
يتوجهن وعي بأسمى ا لتعابير
أحتقان الچان آمس جاثم بلصدور
انتفض مرة و گلب كل المعايير
الضواء داهم العتمة وكاشف اليل
و گرب وجة الصبح عدة مشاوير
أعله ساعة الماتبدل ينتهي إيروح
حرس لا جيش ينفع لا مقاوير
تعدة و راح أمس ما يرجع اردود
الحقايق كشفّن چذب الأساطير
مشاوف جابلن بيت اليحكمون
اذا حاكم خطئ اتشوفه الجماهير
عصر فرعون راح ومات نيرون
وصبح حكم الشعب قوتة الدساتير
عصرقانون ينصف هذا من ذاك
آعله حدة الباز ما يغزي العصافير
واذا نيرون آمس شب روما بلنار
وتعدة آبفعلتة ابسد النواطير
عصر احنة اليسولف تسمعة الناس
تخور ابصفنتة و تكتب تفاسير
إذن احنة ابزمن كل شيء مكشوف
الحاكم لو زلف تعله المزامير
وبعد نسمع عجائب چانت احلام
تكشفها الصحف بأسم التقارير
الخبر يفشي الجريمة و يطلع ابساع
خبر عاجل يلوح عل التصاوير
صبح باچرجريب وتگصدة الناس
تحب الأفضل و تكتب مناشير
الحدايق تضحك ابوجة اليحبون
و زغاريد الفرح تملي التباشير
ربيع الجاي ابشرك حامل اخبار
تماثيل و صور هيبت الحاكم بل تنانير
البنادق تسجد العزم اليهتفون
و ورد أحمر نحملها الشواجير
11/02/011 جميل وادي
مركز دراسات عربستان الأحواز- حامد الكناني 
تشرفنا بزيارتكم ونتمنى دائما أن ننول رضاكم.