- الشاعر حسين الزبيدي-الفلاحية(الدورق)
الشاعر حسین الزبیدي (ابوعلي) احد شعرا مدینة الفلاحیه .المدینه التي اشتهرت بالشعر والشعرا .انعرف شاعرنا بکتابة الاهازیج الاجتماعیه حتی صار من اکبر شعراء الهوسه (الاهزوجه) في المحافظه .الجدیر بالذکر ان اهازیجه دانت التفرقه والقبلیّه والأنانیه وعند الإستماع له تجد الحکمة والموعظه في اشعاره ما میزه عن باقي شعراء الهوسه الذین….
****
ضکني العسر اذکر یوم،سیف العوز گص جیدي
او من غصبن صرت مجبور اروحن گلت لعضیدي
رحتله او گتله أنه ابعازه،یخویه او لا ترد ایدي
« ماعرفک گلي او سد بابه »
*******************
گتله اخوک آنه یخویه إشلون ضیعت العرف
او بل عجل هیچ إنکرتني او بل ملح ماتعترف
چه شفتني إبعازه جیتک گتلي عن دربي انحرف
« هم تخله او یوم ادگ بابي »
*****************************
گلي ما اخله آنه مثري وأگدر إبمالي اشتریک
یلي إجیت ابعازه تطلب مني او مدیت ایدیک
گتله رایح عنک آنه او هاذي آخر مره اجیک
« بس بیني او بینک خلیهه »
***********************************
منه ردیت إباذیه،اوگمت احاول لا اشوفا
گلبي لاچن ما نطاني گلت اخوي اشلون اعوفا
گبل لَیحشم رحتله اوگتله ابهوسه معروفا
« ذبني اعله الموت ارحم حالي »
*************************************
گبل بل میه واحد چان یسحگ فوگ وجدانه
و إذا تنخل العشره الیوم تطلع تسعه خوانه
الباطل من رفع چفه،او عله الحگ طول السانه
« والبي نسمع گمنه انشوفا »
**************************************
حکمه او موعظه البهلول،کلهن ظلن اقصّصه
او یاهي السولفت عنهه تشوف اشکثر مختصه
عاقل چان مو مهبول یوم الرکب عل عصه
« قشمر هارون إبمعناها »
******************************************
حکمه او موعظه البهلول کلهن ظلن اچلمه
اوصدگ چانن سوادینه،الحقیقه ایخاف من عمه
عاقل والمثل مضروب عنه او یحچي ابفهمه
« مجبور إمسودن گل روحا »
*****************************************
من تطب سوگ الصداقه لاتعامل عالرخيصاشري دوم الغالي سعره و مايبيع الخل حريصالصديج ابضيج ينفع لا تظن مثل الغميص
«من يعتگ تشريلك غيره»
******************************************
إبکل زوره الوکت صابه وحومه
إل إله إزمور الطرم تشهد وحومه
هم شایف فرخ بوما وحومه
إعله فرخ الباز عجبه ابهالدنیّه
****************************
ابکل زوره الوکت یعضاي،صوب الشایعه اعلوما
إل إله ازمور الطرم تشهد إبیوم الکون والحوما
إعله فرخ الباز گام ایطیر وایحاوم فرخ بوما
«من شاف الجوصافي أبعینه»
——————————————————-
المصدر مدونة فلاحيتي
مركز دراسات عربستان الأحواز- حامد الكناني 
تشرفنا بزيارتكم ونتمنى دائما أن ننول رضاكم.