الشاعر سالم جواد الساري

الشاعر سالم جواد الساري: شاعر من شعراء الشعر الشعبي في عربستان(خوزستان) ولد عام 1348 شمسي في قریة المچریة بقرب مدينة البسيتين و من توابع دشت ميسان( آزادگان) ترعرع في بيت يحتفظ بالدين و حب الوطن فتربي في تلك البيئة الريفية النقية فاكتسب من جمال طبيعتها و خلوص اهلها ما يصيقل احاسيسه و ينقي خياله فمال الى نظم الشعر في مبكر من عمره و هو في سن الخامسة عشر، اضطر الى مغادرة مسقط رأسه بسبب نشوب الحرب الايرانية العراقية و المفروضة على شعبنا العربي و قطن مدینة الاهواز بعد ذلك، و استمر في نشاطه الادبي و تعرف على كوكبة من شعراء الاهواز و اكتسب فنون نظم الشعر، كتب الشعر في جميع مجالاته و اوزانه الشائعة في عربستان، يلقي الشعر بطريقة خاصة به، حيث يجذب المستمع و يستلذ من اداءه الساحر، شارک فی عدة مهرجانات دولیة و محلية.

من شعره

بچیت الیل

بچیت الیل خفیه او ماگلت آخ****خفت تسمع صده الونات شماتی

او عجدت السانی عجده ابحضرت الخرسان****اخافن لا تفرع روس چلماتی

او الولی اعله الدمع مثل التنوم توم****اهزّن بصبر کاروکی آهاتی

او الوعن و احترگ بس ما صحت محروگ****اطفی آنه بادی نهران دمعاتی

او کبّرت الالم و العله ولیاریت****کبرن ما مشن مشلوله علاتی

فرشن بلگلب یتگلبن عل کیف****او حطّن بیتهن یم بیت حسراتی

او خاونی ابشکل یوسف او عشر اذیاب**** بس بیه فرق یعگوبی وناتی

ما تانی ظعن بیری غمیج اهوای**** ما یوصل حبل ویلوح حسباتی

شدیت الجرح من ضحک سن البیر****عاندته ابابه او ضمت چویاتی

راوانی عنب حسباله مهر الجوع**** اهده اعله العنب و یشوف سلاتی

او راوانی فرح یم ناس ماهم خوش****سدن بابهن ما مشن ضحکاتی

بنات بیوت عدی العزه و الحاجات****ما طلعن کشف بحجاب حاجاتی

ما ترهم ابوح ابسری و آنه ابیر**** ضلّت او یسرّی او نار دمعاتی

اشرب من دمعتی او لصبح سکران****احسّن بلشعر متروسه کاساتی

و نصبلی عزه او مجلس اشگد اهموم****او ادعی امن الفرج و یصیر ملاتی

او اگولن تنفرج و الوکت یفتر یوم**** وحط مخیط قهر بعیون شماتی

*** *** ***

صحباني

چنت موگد شته او ماخجلیت النار****افک الهه الشلیل المود صحبانی

او اذا هفتت اشلع اضلوع صدری ابزود****ادری ابعینهم مذموم دخانی

و ادفیهم چنت بس منه ما حطت**** امعلم من زغر و مرتب السانی

او یوم امن الوکت ما ظل ظلع للنار****او خلص کل حطب ونباگ بستانی

او صحبانی اختفو مثل الشمس بلیل****لا واحد نشد لا غزر احسانی

خلیت النظر واگف ابصف الباب****چن ضایع ولدهه او گاعده اتانی

بس ماکو خبر شگگ اعیونی الیل****سهرته اسبوع کله او بین الثانی

او قریت الفاتحه او زاد الشهر بیام****او وصلن اربعین الصیرت احزانی

لا سئلو علیه الوکت طشنی اشلون**** لا گالو زمانی اشلون لمانی

کل ظنهم متت مو خلصیت اسنین**** اذا میت صدگ موجود دفانی

او لمن ایست خضرت کلنی اردود**** او رجعن من جدید اضلوع بنیانی

او موگد ما صرت تحرگ ابگلبی النار****اخافن علگلب ویگول چوانی

بس طبعی المحنه ابلا شرب لا زاد****امدللهه ابشکل کلیوم تلگانی

علمنی الگصب لو ینذبح کل یوم**** یرجع للاصل ما ینگلب ثانی

**********

المصدر موقع أدبنا مع بعض التصحيح