مختارات من أشعار الشاعر الوطني سيد حسن الشريفي

بگاع مجد العرب امشی،ارمال بس چنهن جمر

اموچر الحر اعله ایدي وینتظر بس الامر

گال بس هدني اعله کیفي وشوف شیجیب الصگر

لو یکفخ جنحه اعله الصیده

**********

ومضه القلم

قلم لاچن رصاصه ابعین عذّال

والشاعر علی الحگ ثار قلمه

وانه ابیوتي زلم ماهابت الموت

وبشعري صبح کل بیت زلمه

==============

رجاء الی من یستحق الرجاء

ابیات من قصیدة الرجاء

رجاء الی من یستحق الرجاء

نخیتک والهضم تارس ادموع العین

وعلی اطراف البیابي اموچره العبره

نخیتک والذنوب ابلا عدد تنــــــقاس

وانت اعلم ابحال الشـــــــاعر وادره

نخیتک والصبر جف بریاض الروح

ومن بیر الصبر ماظل بـــــعد گطره

نخیتک والگلب ساحة مأسي وضیم

یزرع حزن روحه ویحصد الحسره

نخیتک والجــهل فایض نهر عالناس

وغشیم الراي یشرب من جرف نهره

نخیتک والارض تنزف نخل مذبوح

وشایب منهضم مات ابامل تـــــــمره

نخیتک والکســــــــر ماجبرّه الضمـّاد

الف شهر انتهن شیضمّـــد ابکــــسره

نخیتک والملح یمشی اعله جرح الگاع

وبـــدرب المـــلح ما من بـــعد عثره

نخــیتک والحلم بات ابصدر اجیــــال

یا جیـــــــــــل الیجینه و محّـد ایفسره

نخیتک والسوالف خایفه مـن الجــای

وعلی الســــان الشعر تفتر الف شفره

نخیتک والشــــــمع ذاب ابجفن مظلوم

خلّص شمع عینه وشب شمع عمــــره

نخیتک والصدر شاعل لهب بـــــرکان

وبوســــط الگلب شایـــــــل الف جمره

نخیتک والبشر صارت شجر مو ناس

وکــــل هاي الشـــــجر تتنطر الطبره

*********************

نار الفرگه

احرگ ابروحی اشما ردت روحی اکبرت عالحرگه؛

بــــــس لا تچوییـــنی ابـجفه ماطیــــــق نار الفرگه؛

الــــروح جارحها الوکت بس مرهمک داواهــــــا؛

لو حمّلت عنها ورحت مثلــــــک بعد ویـــــن الگه؛

مثلک یناغینی ابعشگ ماشـــــــوف بوجوه السلف؛

واللی اجـــــه ابعثگه الی مــــــا گرّبت من عثـــگه؛

لن بیک احس معنی الوفه والشوگ بعیونک مطر؛

الهاذ الســــبب گلبی الک للیوم ظل ابعشـــــــــــگه

مشـــــــتاگ کتلک من امـــس والیوم اگلک یاولف؛

من کثر ما بیـّه عشــــــگ صار النفس بس شهگه؛

الناس معذوره لون بالزاد تشــــــــــــرگ من تحن؛

آنه اشـــــــــکثر ماحـن الک بلمای صارت شـرگه؛

ومعذور قیس اشماکتب من وصّف آهــات الــهوی

آه العشـــــــگ ما تنحمل بـــــس تنتـــــهی بالـملگه؛

وملگاک یا وجه البدر صایر شــــحیح اعله المحب؛

وآنه ابطرگ خلـگ الصبر مجبور اداری ابخلگه؛

فاتح الک باب الگلب فوت ابجــساره ولا تــــــدگ؛

ومن تگعد ابوسط الگلب اروجک بــــــابه اتغلگه؛

….

المصدر مدونة الشاعر على الانترنيت