چان إلشط إمطیّن حلمی إبحزنه و أطرب چنت أمنشتم عطر إلطین
چنت إزغیرون إبگد حزنی و چانت أیامی إبساتین
منها إتفوح عطور إلونسه و حلوه أیامی وتمطر چانت تِکی و تین
چان إلشوگ إلجدمی إلحافی إلیلعب چَن ورگة بربین
چان إلطین إلأسمر شوگی و شینگّص من های إلدنیه إلیعشگ طین
***
چان إمطرّز هور صبای إبحسن إلبردی
چانت أیامی إشمحلاها إبحلمی إلوردی
مو بس بالماضی إرتاحیت إلریحة جدّی
و طیب چفوفه الهزّت مهدی
للحین أتونس و أرتاح إمنذکر آخِر ضحچة جدّی
صَح إلذکری أوهام إتعذب لاکن آنه الخاسر، کل إلحاضر غیر الذکری إشعندی
***
لا یا صاحِب لا تِتفلسف و تگول إلمجروح إبصبره إیطیّب جرحه
ما یتجدّد یَهلی و یَهلک حتی إنشبها إبذیچ إلگاع إلصارت خَضره
و چانت مَلحه
باچر تلگه إلشیب إیبیّن ویگلک هاک إحسب باجی إسنینک و أیامک بالسبحه
باچر تسمع مات إفلان إلچان إیگلک مُر إلشیب و مُر إلموت و مُر و یألم موت إلفرحه
باچر تعرف چَذب کلمن گلک لذة کل کتاب إبآخر صَفحه
****
المصدر:مدونة فلاحيتي
مركز دراسات عربستان الأحواز- حامد الكناني 
تشرفنا بزيارتكم ونتمنى دائما أن ننول رضاكم.