راجعين
الغيبة ما عادت تشافي اصوابنه
راجعين
ننکت اغبار السنين الحال فوگ اطنابنه
راجعين
نبخ عطشنه ابماي مزنه
وبيت أهلنه نشيل منّه وزار حزنه
ونشچخ اببابه السواری وترتفع رايات عزنه
ونصرخ امن هجوع نوم الهظم جزنه
راجعين
نرش من ادموع العيون اعتابنه
راجعين
وبيدنه الدنيا الجديده
مطرزه ابنايل وموال وقصيده
جايين نحل عجد لمراد غيده
وبينه شوگ أم لولدها وتنتظر طارش بريده
راجعين
نسد حلگ گاع الشتاگت للزروع
نشتل اردود الأماني ونحيي اردود الربوع
دوم املنه نضوي بظلمة ليالينا الشموع
حتی معنی ايصير لينه ويتضح قصد الرجوع
راجعين
نشيل وخيم السعر من بابنه
راجعين
حتی نبني عشيش الطيور المحبه الضايعه
حتی نجمع دمع شمعه اشتعلت بلهبة أسانه ومايعه
نريد کلنه أغنية هوانه الشايعه
نسولف سوالف الديره الصارت بين الخواطر ضايعه
راجعين
كارون الثقافي، موقع أحوازي حُر ومستقل- حامد الكناني 
تشرفنا بزيارتكم ونتمنى دائما أن ننول رضاكم.