مختارات من شعر الأبوذية للشاعر الراحل حمد العطيوي (أبو جابر)

hamad_al_e6ewiالخوه مو فشــــــگ الشـــداده البلکلایف ما یثور

الخوه سیف ازماط عزمی البات بضلوع الصدور

الخوه چانون ابدلیلی وگمگــم ابکتـــــــره الیفور

مهیوب ایدنک لدلاله

****************

کتلنی الما عرف یمشی ویامن

اوما ندری ابثــکل ذره ویامن

تانه یــــــــــوم لویکثر ویامن

حفنت ریش وتطشره ابهویه

******************

عــــــــــاگه او عبـــریتــــــه او علمیتــــه اوفای

علمته الرمی بسهــــــام واسهامه انبتن بحشای

یهل گاعد تعدی الروی هم حسب احساب الجای

من تضخن یاهو ایطب بیه

 *********************

ابكل قيمه اشتري الصاحب وسعراي

و احـــط گلبي ابقضا لجله وسعراي

اريــــدنلي عــــدو فـــاهم وسعراي

و لا جــــــاهل صحيب او بي اذيه

****************

طعم الریـــــــــج احس کل یوم بی مر

ابسبب شاف العریضی السلف بی مر

طبیعی الغبــــــر یحقد علا ال بی مر

جله ابسیــــفــــه الغبار امنل ثنیه

*********************

الرجل لا طول لا هیکل و لا مال

او یور الدهر لا غثّه و لا مال

ایشیل الحمل و ایوصله و لا مال

یدگ الباب و ایسلمه الخویّه

 ***********************

خلص وکت الچلل گل الحیایه اتسیب

و گل الشات یمرح  لو  توفه  الذیب

الف یاحیف شخصک عن بلدنه ایغیب

اسهیل اعل البل و انته اعله النیبه

 ************************

اكراب الدهر جوهرنه و سنا

اخينه و نعرف اطباعه و سنا

وحق احمد نبي الشيعه و سنا

الدهر و مكاربه عندي ابتحيه

 *********************

صحيب الينفع الصاحب و شاله

يخيطله فتگ دهره و شاله

من الديباج فصله و شاله

يگله الٌبس و نه راعي الحميه

 *********************

گلی اشألمک یا گلب شدهاک

ابألم لو من دوای الدهر شدهاک

جرح واحد و اگل للمحب شدهاک

شتی اجروح گلبی اعملن بیه

 ************************

فتگی الوحدی اخیطنه وشیله

و دمع العین ما بطل وشیله

اطبعت للذل ردت حمله وشیله

کلف مو عادتی یصعب علیه

***********************

انته نصر بیرقهم وحدهم

و انته صور هیبتهم وحدهم

گومک زمل داویهم وحدهم

الزمل تذهب و ترجع للثنیه

 ********************

ابحگی تشهد العدوان واتغار

ولا همن ابشی الصعب وتغار

انشحن گلبی من الخوان و اتغار

ابغبن و انهدم رکن الصبر بیه

 ***********************

ابکل قیمه اشتری الصاحب و سعرای

و لجله ابنار اذب نفسی و سعرای

اریدنلی عدو عاجل وسعرای

ولا صاحب جهول و بی اذیه

 ************************

جواد ابکون ابرنه ونعله

و اسب العاش  بل ذله ونعلع

حاتم بل کرم عالی و نعله

اببخل لو طلبو الصاحب علیه

 ************************

جسر و احمل ثگل رکهم وبلهم

و علی تعبر مرابعهم وابلهم

طمع ما ردت من عدهم و بلهم

السکوت و بل سکوت اکطعو بیه


الصورة والأبيات منقولة من مدونة عزيز مسعود

تشرفنا بزيارتكم ونتمنى دائما أن ننول رضاكم.

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

موقع ووردبريس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: