حبیتچ زغیره وصورتچ حلوه وامبّین ابوجهچ بدچ بنیّه
عشگتچ والعشگ تدرین بي بلوه ومن هسّه ابتلبت اشحال تالیّه
ومثلچ مالگیت ابدنیتي سلوه لن آنه صریح وصافي النیّه
ومندمعات عینچ گلبي یتروه وکاس الي جرعته وفه وحنیّه
ویا مابدو صوبچ ناس بدّایه وصحتي یاهله بلي اعتنو لیّه
شو صفچ ریم وإبوسط الگلب ترعین لا مو هذه وصفچ ولا معانیّه
سمره وشعرچ اسود من یصیر الیل واهلال إبوجنتچ یضوي لیلیّه
بیضه ونور وجهچ یشع کل مصباح من تطلع شمس والوکت ظهریّه
حبیبه انتهي وعزیزه انتي وانه اتعنیت اصیرن خادمچ وابگلبي امنیّه
احب ابحضنچ اقفه وافز من النوم واشوفچ بلهنه والخیر یومیّه
حلوه للیعرفچ احله مابل کون معروفه إبعبایه و لبس بوشیّه
و معروفه کریمه ولئ یمرچ ضیف و یرتاح الشرب من ایدچ امیّه
عشگتچ چه عفیفه و هلچ ناس اشراف ومثلچ با نجیبه إمنین تتهیِه
سهرانه و غفه إعله اضراعچ الفلاح ویستاهل الخله اسمچ فلاحیّه
*****
یا دیرة هلي یّم الوفه والخیر اترابچ شفه ویطیب المجروح
یا دیرة هلي یّم الکرم والطیب یل بیچ العطر من کل نویّه ایفوح
یا دیرة هلي خدّام اهل البیت یليامچان الچ محفوظ وسط الروح
لحظه من اعوفچ چن غریب اسنین بفراگچ عله افراش المرض مطروح
وتگلب یمین إشمال طول الیل اون و ونّي یشبه ون حمام الدوح
وعیني امغورجه والدرب ما ینشاف حگه المع لفراگچ یظل مسفوح
عله إترابچ وابحبچ اتغذیت و من ایدچ الطیبه إشربت طاسة فوح
عجب تردینه بخلافچ احنه انعیش منهو العاش من خالف سفینة نوح
للشاعر جمال عبدالحمید المهنّا
مركز دراسات عربستان الأحواز- حامد الكناني 
عاشن الانامل وصح السانک شاعرنا الکریم وقصیدة جدا رائعه وکلام اروع واتمنالک التوفیق
اختک بنت الفلاحیه