“قصتنه قصة صنگور”- بقلم حامد الكناني،مباراة للشاعر الوطني موسى الموسوي

كتب الشاعر الوطني موسى الموسوي ابو خالد قصيدة شعبية رائعة كان مطلعها كلام مأثور من التراث الاحوازي “قصتنه قصة صنگور”، عبر فيها الشاعرعن واقعنا السياسي في الخارج منتقدا حالة التشرذم و عدم الوفاق و التنسيق ما بين ابناء الوطن الواحد،فكتبت هذه الابيات مباريا الشاعر موسي الموسوي و اتمني أن تنال اعجابكم.

“قصتنه قصة صنگور”

قصتنه قصة امخربطه        وصارت يموسى مزعطه

لا فرشه ضلت لا غطه       و الشمعه طلگهه النور…..قصتنه قصة صنگور

الشمعه طلگهه الضوه        والجرح خاناه الدوه

حتی العظم عدنا خوّه         واگلوبنه بس اتفور………قصتنه قصة صنگور

اگلوبنه جرح وجرح         و انذري اچماله ملح

لا غیمه ضلت لا فلح        ضیعنه حتی الناعور…… قصتنه قصة صنگور

ضیعنه کل ذاک المجد      او طشینه ابمائة عجد

لا یوز صدنه و لا فرد      چتلینه حته الناطور…….قصتنه قصة صنگور

قصتنه قصة امصنگره      و الربع کلهه امعتبره

خَبـْر الدره و المادره        محراث صرنه ابتنور…… قصتنه قصة صنگور

محراث صرنه یا خلگ     هذا اهو درب الزلگ

بکریوته ایثور التفگ       و القبض عبد المامور ……. قصتنه قصة صنگور

 القبض خادم للدفـع         وباسم الشعب یردح هچع

هم اهتدی و هم انتفع       و الوجه ضل ایشع نور…….قصتنه قصة صنگور

الوجه ضل یجدح شرر     ربحان و الضده خسر

وحده الکسب یوم الحشر    قائد یضل او منصور……..قصتنه قصة صنگور

قائد یظن اعله الشعب       هوّه الوحید المُنتخب

لا سله رجعت لا عنب      گلي علیمن مغرور……….قصتنه قصة صنگور

گلي علیمن هل لفح          وین الحیا و گلب السمح

امخزن یموسی هالجرح     بالک تجرد المستور……..قصتنه قصة صنگور.